Ukulingana ne Marko

16 Pano Isabata lyasizile, e Mariya umwina Magadala, e Salome ne Mariya e mama wa kwe Jemusi, wakazile ivinuncile ivyakuya mukupaka umuwili wa kwe Yesu. 2 Swinya pa wanda wakutalicila mwe sababata umutondo tondo lyo ilanzi lyafumavye, wayile ku nkungwe. 3 Walandanga wakuti: “Weweni wino wandi akatufumizye iliwe pa nkungwe?” 4 Walile wafika wazanile ukuti walifumizyepo kali nanti acakuti lyalinji alikulu. 5 Pano winjizile mu nkungwe wazanile umulumendo ayisile kwi kasa lya kwe ndilo, azwite ni cizwalo icitiswe, acino wazungusile. 6 Lelo umungeli wanenile wa-a awanaci ukuti: “Mutazunguka amuno manyile ukuti mukuvwamba e Yesu umwina Nazareti wino wapamantizile pa cimuti, azyulupusile. Lolani pano wamuwisile, asipo. 7 Acino yanji kanenani e Petro na wasambi wanji ukuti, ‘Akumikolelela ku Galili akuno mwandi muye mumuzane ndi wulyanyene vino waminenile.’” 8 Pano awanaci wafumile mu nkungwe, wasamazile amuno wivwile intete swinya wazakazanga. Watanenilepo nu wili wensinye pa mulandu wantete.