Kwe Wano Wakuzanwako

WAKAPYUNGA Wakapyunga wawelako ku kumyavwa. Acino tukumilenga ukuti mwawivwila nga wa kumilanjizya ukwa kwimilika wa motoka, awakusunjila apakwikala nanti ukwakwinjilila nu kwa kufumila, na pe vinji.

ULUBATIZYO Wano waliya mu kubatizwa waliyikala pa vilimba vino waliwapekanizizya pa nkolelo suka ndi kwiza kwawa ukupiluka. Wazipizile ukwikalila lyankani pano ilyasi lya lubatizyo litani litalike pa wanda wa citi wili umutondo tondo. Cila muntu azipizile ukwiza ni tawulo lyakwe nga ni vizwalo iviyanane pa kubatizwa.

IMISANGULO Tukawomvya indalama imvule pa kuti kuwe apakwikala apazima, iviwombelo na mavidyo na vinji vino vikatwavwa ukuyitopwa ko-o ukulongana nu kutwavwa ukupalamila kwe Yehova. Imisangulo yinu iya kuyikundila ayino yikatwavwa ukulipila vyonsinye vyo-o swinya yikatunjilila nu mulimo wa nsi yonsi. Kuli utumbokosi tuno walemvilepo umwakusumbila imisangulo watuwisile mu ncende izipusane pusane. Mungasangulako ukuwonvya intaneti ukupitila mukuya pa donate.jw.org. Tukasalifya sana pa misangulo yinu yonsinye yino mukapa. Iwumba Lino Likatungulula nalyonye likumisalifya nkaninye pe vyo mukatunjilila ivya Wufumu.

FIRST AID Mukwai mwakwizuka ukuti yawelako kukwavwa vye wano walwala mu kupumicizya.

VINO VIKUSOWA Vyonsinye vino twasola tufwile ukutwala ku Dipatimenti ye Vino Vikusowa. Nga mwasovya icili consinye mufwile ukuya kwe yo-o dipatimenti nu kuyalola vino musovizye. Awana wano wasovile ku wakwasi wawo mungawatwala kwe yo-o dipatimenti. Lelo umwana ndi wasowa cikasakamika sana. Acino pa kuti ica musango wo-o citacitika. Tukulenga ukuti mwawika sana amano ku wana winu swinya mwakwikala nawo.

APAKWIKALA Mukwai mwalangulucilako wanji. Mwakwizuka ukuti wano mufwile ukusunjila vye apakwikala awalupwa lwinu, wano mukupita nawo mwe motoka, wano mukakwikala nawo pang’anda nanti wano mukasambilizya Baibolo. Mukwai mutawika iviya pa vilimba pano musakwikala.

UMULIMO WA KUYIKUNDILA Nga mukulonda ukuwombako umulimo pa kulongana kwa citungu, mungaya kwi ofesi lya Mulimo wa Kuyikundila.