Uzye Adamu nu Eva Wisile Uli mu Paradaise?

E Yehova wapile e Adamu nu Eva ivintu ivizima ivivule. Intaliko 1:28

E Yehova wapanzile umwanaci wakutalicila e Eva, apo wiza wamupa kwe Adamu awa umuci.—Intaliko 2:21, 22.

E Yehova wawelewuzile na mano ni miwili ino italinji ni ntazi iili yonsi.

Waa wikalanga mu Paradaise mu calo ce Edeni muno mwazifile nkaninkaninye, mwalinji nu luzi, ivikomwa, ni nyama.

E Yehova wavwanganga nawo nu kuwasambilizya. Awivwila, nga wisile munsi mu Paradaise kwe pe na pe.

E Leza watili mutiza mulye ku muti wonga. Intaliko 2:16, 17

E Yehova wasontezile Adamu nu Eva umuti wonga mu calo awawuzya nu kuti nga mwalya ku muti woo, mulifwa.

Umungeli wenga wapilucizile e Leza. Weyo umungeli umuwipe we Satana.

E Satana atalondanga ukuti e Adamu nu Eva wivwile e Yehova. Apano e Satana wawonvizye inzoka ukunena Eva ukuti ndi walya icikomwa atalifwa, apo aliwa nge we Leza. Nanti walanzile wowo, walinji a wufi.—Intaliko 3:1-5.