Mwalanda pe Vino Wangatemwa Ukwivwa

Vino Yesu Wacisile

VIDYO: E Yesu nu Mwanaci pa Cifula

1. Tambani e VIDYO, nanti wazyani Yohani 4:6-9. Apano mwasuke amawuzyo yano yakonkapo:

1. Avyani vino Yesu waweni mwe we-e umwanaci pano atani atalike ukulanzyanya nawe?

2. E Yesu watili: ‘Mpa aminzi imwe.’ Amulandu ci wuno tungalandila ukuti yo-o yalinji anzila iyizima sana yino Yesu wawomvizye pa kutalika ukulanzyanya na we-e umwanaci?

Avyani Vino Tukusambililako kwe Yesu?

2. Kukawa ukulanzyanya icete na wantu nga cakuti mwatalicila ukulanda pe vino wangatemwa ukwivwa.

Mwakolanya Yesu

3. Mwayikundila ukupiluka. Mutati mwapampamila vye pa kuti mpaka mulande pi lyasi lilyanye lino temupekinye. Mwatalika ukulanda pe vino wanji wakwelenganya pe wowo uwanda. Mwayikolowozya ukuti:

1. ‘Avyani vino wakulandapo sana pa milawasa?’

2. ‘Avyani vino awina mupalamano, wano tukawomba nawo nanti wano tukasambilila nawo wakulandapo?’

4. Mwalolecesya vino vilipo. Mwayikolowozya ukuti:

1. ‘Avyani vino we-e umuntu akucita? Avyani vino angalanga akwelenganyapo?’

2. ‘Uzye vino azwite, vino akuloleka na vino pa ng’anda pali vikulanjizya ukuti avyani vino wazumilamo nanti antambi ci zino akakonka?’

3. ‘Uzye yo-o impindi yiyanile ukulanda na we-e umuntu?’

5. Mwateyelezya.

1. Mutalandapo nkani.

2. Mwawomelezya wino mukuwizizya ukuti awalanda vino akuyivwa. Swinya mwakolowozya amawuzyo pano cayana.