Mwawalangulucilako

Vino Yesu Wacisile

VIDYO: E Yesu Wivwila Iwumba Uluse

1. Tambani e VIDYO, nanti wazyani Marko 6:30-34. Apano mwasuke amawuzyo yano yakonkapo:

1. Amulandu ci wuno e Yesu na wasambilizi wakwe walondelanga ukuwa ‘wonga’?

2. Acani cino calenzile e Yesu avwambisye ukusambilizya lyolyo iwumba?

Avyani Vino Tukusambililako kwe Yesu?

2. Ukulangulucilako awantu kusilenga vye twawanena pi lyasi lizima lelo kukalenga twavwambisya nu kuwavwa.

Mwakolanya Yesu

3. Mwawikako amano pano wakulanda. Mwaleka umuntu alanda vino akuyivwa. Mutamucilinganya pano akulanda nanti ukusulako vye kwe vino akuyivwa, vino vimusakamisile nanti pa ntazi yino akupitamo. Nga cakuti mukuteyelezya pano akulanda, mulilanjizya ukuti muwisile amano kwe vino akuyivwa.

4. Mwakwelenganya pe wino akuvwambisya ukwivwa. Ukulingana vye na vino mukalanzyanya nawe, mwayikolowozya ukuti:

1. ‘Amulandu ci wuno akuvwambila ukumanya icisinka ca mu Baibolo?’

2. ‘Uzye ukusambilila Baibolo kungamwavwa wuli pe yo-o impindi na ku nkolelo?’

5. Mwalanda pe vino vingamwavwa. Mutazimba ukulanda pe vino ukusambilila Baibolo kungasuka amawuzyo yano wakwata na vino ku ngamwavwa mu wumi.