Awaweni Wano Wakuwizya Ilyasi Ilizima?

E Yehova nombanye wandi afumyepo intazi zyonsinye zino tukapitamo, ukuwomvya Uwufumu wakwe. Acino awantu wonsinye wazipizile ukwivwa kwe lyo-o ilyasi ilizima. E Yesu wanenile awasambilizi wakwe ukunenako awantu wonsinye pe lyo-o ilyasi. (Mateyu 28:19, 20) Uzye Inte zya kwe Yehova wakakonka wuli vino Yesu walanzile?

1. Uzye Iwaliko lya kwe Mateyu 24:14 likuficiliswa wuli mwe ya-a amanda?

E Yesu walandizile lyankani ukuti: “Nilandwe zima lyoo ilya Wufumu wamwiyulu liliwalandwa munsi yonsi.” (Mateyu 24:14) Inte zya kwe Yehova wawa ni nsansa nkaninye ukuwombako mwe wo-o umulimo uwucindame. Tukawizya lyo-o ilyasi lizima ukuzinguluka insi yonsinye ukucila mu vitundu 1,000. Wo-o umulimo uwukulu wukalondekwa impindi, amaka nukuteyaniziwa icete. Lelo wutange wuwombwe ukwasowa ukwavwa kwa kwe Yehova.

2. Avyani vino tukayipelesya ukucita pa kuti tuwizizye wanji?

Tukaya mukuwizya konsinye kuno tungazana awantu. Ndivino awina Klistu wakutalicila, nasweswenye tukawizya “ku ng’anda ni ng’anda.”[NWT] (Imilimo 5:42) Yo-o inzila iyizima yikatwavwa ukulanzyanya na wantu awavule cila mwaka. Ne pamulandu wakuti akavule awantu wasizanwa pa ma ng’anda, tukawizya na kuno wakazanwa sana. Lyonsinye tukavwamba inzila izilekane lekane izyakusambilizizyamo awantu pe Yehova nu kulonda kwakwe.

3. Awaweni wano wapwa umulimo wakuwizya ilyasi lizima?

Awina Klistu wacisinka wonsinye wazipizile ukuwombako umulimo wakuwizya ilyasi lizima. Tukawikako sana mano kwe wo-o umulimo wuno twapwa swinya tukawomba ukufika pano pangapelela amaka yitu, amuno twamanya ukuti awuno wungapususya awantu. (Wazya 1 Timoti 4:16.) Tusilipilwa pe wo-o umulimo wuno tukawomba amuno e Baibolo yikati: “Mwapocelela uwila, achaleka namwenye kapanji uwila.” (Mateyu 10:7, 8) Asa wonsi wano wakazumila ukupocelela ilyasi ilizima. Lelo nanti ciwe wo-o tukatwalililavye ukuwizya amuno aluwali lwakupepa Yehova swinya ukucita wo-o kukamusecelesya.

SAMBILILA IVICILE PA-A

4. Tukawombesya na maka ukuwizizya awantu wonsinye

VIDYO: Ukuwizya Ukufika “na Kuno Insi Yapelela” (7:33)

• Avyani vino wakundapo sana pe vino Inte zya kwe Yehova wakayipelesya pakuwomba umulimo wakuwizya?

Wazyani Mateyu 22:39 na Waroma 10:13-15, nu kulanzyanya ya-a amawuzyo:

• Uzye umulimo wakuwizya wukalanjizya wuli ukuti twakunda wanji?

• Uzye e Yehova akayivwa wuli pe wano wakawizya ilyasi ilizima?—Lola versi 15.

5. Tukawombela ponga ne Leza

Ivyakulolelako ivivule vikalanjizya ukuti e Yehova awino akutungulula wo-o umulimo. Ku cakulolelako, pano umwanawitu uwizina lya kuti Paul uwa ku New Zealand wawizyanga ku ng’anda ni ng’anda umusanya, wazanile umwanaci wumwi. We-e umwanaci wapefile wulyanye uwanda umutondo-tondo, kwe Leza ukuwomvya izina lyakwe ilya kuti Yehova. Mwi pepo lyakwe walenzile ukuti e Yehova amutumile wumwi uwa kuti amutandalile. E Paul walanzile ukuti, “Papisile vye amaawazi yatatu ukufuma pano wapepezile. Nani namutandalizile pa ng’anda yakwe.”

Wazyani 1 Wakorinte 3:9, nu kulanzyanya lyo-o iwuzyo:

• Uzye ivya kulolelako ndi vino co-o ica ku New Zealand, vikalanjizya wuli ukuti e Yehova awino akatungulula umulimo wakuwizya?

Wazyani Imilimo 1:8, nu kulanzyanya lyo-o iwuzyo:

• Amulandu ci wuno tukalondekwa ukwavwa kwa kwe Yehova pa kuwomba umulimo wakuwizya?

Uzye umanyile?

Cila sabata pa kulongana kwa mukasi ke sabata tukasambilila ivya kuwomba icete umulimo wakuwizya. Uzye ukatela uzanwapo pe ko-o ukulongana? Nga wazanwapo, avyani vino wasambilizileko pa vya kuwomba icete umulimo wakuwizya?

6. Tukakwivwila isundo lino Leza watupa ilya kuwizya

Mu mpindi zya watumwa, kwalinji wano welezizye ukulesya awasambi wa kwe Yesu ukuwizya. Lelo wa-a awina Klistu wakutalicila wacinjilizile insambu zyawo izya kuwizya, ukupitila ‘mukucinjilila . . . ilandwe lizima ukulingana ni sundo.’ (Wafilipi 1:7) Wonye avino ni nte zya kwe Yehova wakacita mwe ya-a manda.a

VIDYO: Ukucinjilila Ilandwe Lizima Ukulingana ni Sundo (2:28)

Wazyani Imilimo 5:27-42, nu kulanzyanya lyo-o iwuzyo:

• Amulandu ci wuno tutalitela tuleke ukuwizya?—Lolani amavesi  29, 38, ne 39.

IVISINKA VIKULU

E Yesu wanenile awasambilizi wakwe ukuwizya ilyasi ilizima ku wantu wonsi. E Yehova awino akakwavwa awantu wakwe ukuwomba wo-o umulimo.

Avyani Vino Wasambilila?

• Uzye wo-o umulimo wakuwizya wukawombwa wuli insi yonsinye?

• Uzye umulimo wakuwizya wukalanjizya wuli ukuti twakunda wanji?

• Uzye ukulola ukuti wo-o umulimo wungalenga tuwe ni nsansa? Amulandu ci wuno wasucila wo-o?

MANYILAPO NA VINJI

Lola vino Inte Zya kwe Yehova wakawizizya awantu mu misumba imikulu.

Inzila Iyiyiwele iya Kuwizizyamo mu Musumba Uwukulu ku Paris (5:11)

Uzye Inte zya kwe Yehova wacita wuli pa kwavwa wano wakasamala ukufuma ku nsi zinji?

Ukusambilizya Icine kwe Wano Wakasamala Ukufuma ku nsi Zinji (5:59)

Lola vino wumwi walondolola umulandu wuno umulimo wa kuwizya walenjela awe ni nsansa nkaninye.

Nawa ni Nsansa Ukusolapo Ukuwomba wo-o Umulimo (6:29)

Lola imilandu yimwi yino twacimvya mu vilye, yino yalenga citupepucile ukuwomba umulimo wa kuwizya.

“Wakawizya wa Wufumu Watwala Umulandu ku Cilye” (Uwufumu wa kwe Leza Watalika Ukuteka!, icipandwa 13)

5. Insi yapiiluka ukufuma mu 1914

Tambani e VIDYO.

VIDYO: Insi Yapiiluka Ukufuma mu 1914 (1:10)

E Yesu walandizile lyankani vino vyalinji nu kutalika ukucitika pansizi yakuwa Imfumu. Wazyani Luka 21:9-11, nu kulanzyanya lyo-o iwuzyo:

• Avili kwinye pe vyo-o vino wewe walolapo nanti ukwivwapo?

Umutumwa Paulo walandizile lyankani vino awantu walinji nu kuwa mu manda yakulecelezya ayakuteka kwa wantu. Wazyani 2 Timoti 3:1-5, nu kulanzyanya lyo-o iwuzyo:

• Uzye walolapo awantu wa musango wo-o mwe ya-a amanda?

6. Uwacita vino vikulanjizya ukuti wasuwila ukuti Uwufumu wa kwe Leza wukuteka

Wazyani Mateyu 24:3, 14, nu kulanzyanya ya-a amawuzyo:

• Amulimo ci uwucindame wuno wukalanjizya ukuti Uwufumu wa kwe Leza watalika ukuteka?

• Ungacita wuli pakuti uwombeko wo-o umulimo?

Uwufumu wa kwe Leza wukuteka mwi yulu, swinya uwanda wa kuti wize wutalike ukuteka na mu nsi wupalamizile nkaninye. Wazyani Waheberi 10:24, 25, nu kulanzyanya lyo-o iwuzyo:

• Acani cino swensinye tuzipizile ukucita pano ‘tukulola uwanda wa kwe Yehova wukupalamila’?