3. Avyani vino vilikwavwa nga mwiza mwapusana nu mwina Klistu muwuyo?

Nanti aca kuti twalemenkana, swensinye tutapwililika. Impindi zimwi tukacita vino wanji watate wakwenecela, manda yamwi nukupusana nye tukapusana. Awuli umulandu wuno Baibolo ikatunenela ukuti: “tetelananji,” yakonkanyapo nu kuti: “Mule muwatetelana ndivino namwe Imfumu yawatetela.” (Wazya Wakolose 3:13.) Tutanga tupende imiku yino tukaluvyanya e Yehova, lelo nanti ciwe wo-o akatutetela. Akalonda ukuti na sweswenye tuwatetela awanawitu na wankazi. Fwandi nga walola ukuti wacita vino vyalenga winji ukufulwa, ufwile ukuyitalicilapo ukuya mukupanga umutende.—Wazya Mateyu 5:23, 24.b

Impindi zimwi tukaluvyanya wanji. Nga cakuti ica musango wo-o cacitika, avyani vino tuzipizile ukucita? Tambani e VIDYO, nu kulazyanya lyo-o iwuzyo.

VIDYO: Mukupanga Umutende Mukafuma Ivizima (6:01)

• Avyani vino we-e e nkazi wacisile pakupanga umutende?