• Vino Tungawa Awasanguluke mu Minso ya kwe Leza
    Ungikala Amanda Pe!—Sambilila Baibolo

    • 4. Uzipizile ukulecelela imisango miwipe

      Akusumba imishanga ye fwaka.

      Kusi cimwi cino Yehova angapotwa ukutwavwa ukuleka

      Nga cakuti ukapepa fwaka nanti ukawomvya imilembo yino walesya, ufwile wamanya vino catala pakuleka. Nomba acani cino cingakwavwa? Cino cingakwavwa akwelenganya vino ukucita wo-o kukakuma uwumi wako. Wazyani Mateyu 22:37-39, nga mulanzyanye vino wino akapepa fwaka nanti akawomvya imiti yino walesya kukakuma . . .

      • wuciwuza wakwe ne Yehova.

      • walupwa lwakwe na wantu wanji.

      Tantika vino wandi ucite pa kuleka cino cakuteka uwuzya.a Tambani e VIDYO.

      VIDYO: Uwayilama (2:47)

      Wazyani 2 Wakorinte 4:7, nu kulanzyanya lyo-o iwuzyo:

      • Uzye ukuwazya Baibolo cila wanda, ipepo nu kuzanwa mukulongana kungavwa wuli wumwi ukuleka imisango imiwipe?

      5. Uwalwisya amelenganyo ni misango miwipe

      Wazyani Wakolose 3:5, nu kulanzyanya ya-a amawuzyo:

      • Twamanya wuli ukuti ukutamba nanti ukutumizyanya ivya misiku nu kuyilema lema ku wonsi nanti ku wanaci pa kumala inyengwa kwawipa mu minso ya kwe Yehova?

      • Uzye ukwelenganya ukuti tungakumanisya ukuwa ni miwele mizima ndi vino Yehova akalonda tuwe? Amulandu ci?

      Lola vino ungacita pa kulwisya amelenganyo mawipe. Tambani e VIDYO.

      VIDYO: Muwacitapo Cimwi pa Kuti Muwe mwe Wasanguluke (1:51)

      E Yesu wawomvizye icilanjililo pakutwavwa ukumanya ukuti tuzipizile ukutwalilila ukucita vino vikalondekwa pa kuti tutwalilile awasanguluke. Wazyani Mateyu 5:29, 30, nu kulanzyanya lyo-o iwuzyo:

      • E Yesu walozyanga mukuti tufwile ukucitapo cimwi, atalandanga pa kuyicisa. Avyani vino wumwi angacita pakuti atakwelenganya pa viwipe?b

      Nga cakuti ukalwisya amelenganyo mawipe, uwakwizuka ukuti e Yehova akasalifya nkaninye pe vino ukakwelezya na maka. Wazyani Amalumbo 103:13, 14, nu kulanzyanya lyo-o iwuzyo:

      • Uzye lyo-o iwaliko lingakwavwa wuli ukutwalilila ukulwisya nga cakuti kuli imisango yimwi yino ukalonda ukuleka?

      Utanenuka!

      Cingapepuka ukutalika ukwelenganya ukuti, ‘Napotwa kandeke vye.’ Nomba teyelenganya pe co-o: Wino akusamala nga wapona, cisisula ukuti lyo casila walala waluza, nanti ukuti azipizile ukunyocela kuno tetalicizile pakuti atalike ukusamala na swinya. Wonye avino cawa na kwe wino akulwisya ici musango iciwipe, nga wanyocezyapo lyo cisakusula ukuti atalitela acimvye. Swinya cisisula nu kuti lyo ukuwombesya kwakwe konsinye kwinjila vye mu minzi. Uwakwizuka ukuti ivya musango wo-o vingacitika. Acino utanenuka! Amuno e Yehova angakwavwa ukucimvya icimusango ciwipe.

      Wino ali mu luwilo lwa kucimvyanya tewapona nomba akukatuka.
  • Acani Cino Baibolo Ikalanda pa Kumwa Ipaala?
    Ungikala Amanda Pe!—Sambilila Baibolo

    • 6. Vino vingavwa wumwi ukuleka ukumwesya ipaala

      Lola cino calenzile umonsi wumwi ukuleka ukumwesya ipaala. Tambani e VIDYO, nu kulanzyanya ya-a amawuzyo.

      VIDYO: ‘Nalondesyanga Ukuleka Ukumwa Ipaala’ (6:32)

      Ivikope: Uluwali lumwi mwe vidyo yakuti ‘Nalondesyanga Ukuleka Ukumwa Ipala.’ 1. E Dmitry akulola ibotolo lyi pala. 2. E Dmitry, umuci, nu mwana wawo umukazyana wakusambilila Baibolo ponga.

      • Ukulingana ne vidyo, uzye e Dmitry wawanga wuli nga wamwa?

      • Uzye walesile paponye ukumwa ipaala?

      • Uzye wacisile wuli pakuti aleke ukumwesya ipaala?

      Wazyani 1 Wakorinte 6:10, 11, nu kulanzyanya ya-a amawuzyo:

      • Avyani vino Baibolo ikalanda pakumwesya ipaala?

      • Avyani vino vikalanjizya ukuti na walyanye wano wakamwesya ipaala wangapiluka?

      Wazyani Mateyu 18:8, nu kulanzyanya lyo-o iwuzyo:

      • Pano e Yesu wawomvizye icilanjililo cakuputula ikasa, wasulanga mu kuti tuzipizile ukuleka vimwi pakuti tusecelesye e Yehova. Avyani vino ungacita nga cikakusyupa ukuleka ukumwa ipaala?a

      Wazyani 1 Wakorinte 15:33, nu kulanzyanya lyo-o iwuzyo:

      • Acani cino cingacitika nga cakuti ukakwizya na wano wakunda ukumwesya ipaala?