ISAMBILILO 22
Ungacita Wuli pa Kuti Uwanenako Wanji Ilyasi Lizima?
Pano ukuya ukumanya icisinka ca mu Baibolo, ungakwelenganya ukuti, ‘Wensinye azipizile ukuvivwa vyo-o!’ Molimonye wensinye azipizile ukwivwa. Lelo, ungakwivwa intete ukunenako wanji pe vino ukusambilila. Acino katusambilile pe vino vingakwavwa ukuleka ukutina nu kutalika ukuwizya ilyasi lizima ilya mu Baibolo.
1. Ungacita wuli pakuti uwanenako wano mwamanyana pe vino ukusambilila?
Awasambi wa kwe Yesu walanzile ukuti: “Tutanga tuleke ukuvwanga ivintu vino twalola twivwa nu kwivwa.” (Imilimo 4:20, Itestamento Lipya) Wakunzile nkaninye icisinka ca mu Baibolo. Ica kuti walondesyanga ukunenako awantu awavule ukufika pano pangapelela amaka yawo. Uzye nawewe avino ukayivwa? Nga avino ukayivwa, lyo uwalola inzila inzima zino ungasimicilako walupwa ni viwuza vyako pe vino ukusambilila.—Wazya Wakolose 4:6.
Vino ungatalika
Pano mukulanzyanya na lupwa, talika ukulanda nawo pi lyasi limwi ilya mu Baibolo, na mazwi yakuti “Nasambilizile cimwi icizima we-e sabata.”
Nga cakuti e ciwuza wako alwile nanti asakamisilwe, mulanjizyeko iwaliko limwi lino lingamusansamusya.
Nga cakuti wano mukawomba nawo wakukolowozya pe vino wawomvile mwe sabata, ungawasimicilako vino wasambilizile pi sambililo lye Baibolo nanti pakulongana.
Lanjizyako awawuyo e webusayiti yitu iya jw.org.
Yitako wanji ukuti wize wazanweko pano mukusambilila nanti walanjizyeivya kulenga isambililo lye Baibolo pa jw.org.
2. Amulandu ci wuno cacindamila ukuwizizya ponga ni wungwe?
Awasambi wa kwe Yesu watawizyangavye ilyasi ilizima ku wantu wano wamanyile. E Yesu wawatumile “wawili wawili pankolelo peweliwe mutwaya tonsi namumasyo yonsi kuno walondanga ukuya” mukuwizya. (Luka 10:1) Ukuwizya mwe yo-o inzila kwalenzile awavule ukuwa nu longo lwa kwivwa ilyasi lizima, swinya kwalenzile awasambi ukusecelela. (Luka 10:17) Uzye wewe utange ukunde ukuwakolanya ukupitila mu kuwombela ponga ni wungwe?
SAMBILILA IVICILE PA-A
Lola vino ungacita pa kuti uleke ukwivwa intete pano ukuwizya ilyasi lizima ni vizima vino vikafumamo.
3. E Yehova aliwakwavwa
Wamwi wano wakulonda ukutalika ukuwizya, wangasaya pa vya kutalika ukulanda na wantu na vino wandi waye wapocelele ilyasi ilizima.
Uzye ukakwivwa intete ukunenako wanji pe vino ukasambilila? Amulandu ci?
Tambani e VIDYO, nu kulanzyanya lyo-o iwuzyo.
Avyani vino wa-a awacitici wacisile pa kuti waleke ukwivwa intete?
Wazyani Ayizeya 41:10, nu kulanzyanya lyo-o iwuzyo:
Uzye ipepo lingakwavwa wuli pano ukwivwa intete zyakuwizya?
Uzye umanyile?
Inte zya kwe Yehova awavule walolanga ukuti watanga wakumanisye ukuwizya ilyasi lizima. Kucakulolelako e Sergey, walolanga ngati atacindama swinya camuwomelanga ukulanzyanya na wantu wanji. Lelo watalisile ukusambilila Baibolo. Walanzile ukuti: “Asamulandu nu kuti nivwanga intete, natalisile ukulanzyanya na wanji pe vino nasambililanga. Cino canzungusizye aca kuti, ukunenako wanji pa vya mu Baibolo kwalenzile nasipilako. Ne ukuwanena pe vino nazumilamo, kwawomyanga isuwilo lyane.”
4. Uwawa nu Mucinzi
Kweni pano utani uwizizye uwili wensinye, uzipizile ukwelenganya ivyewo vino wandi ulande nawe. Lelo cacindama nu kwelenganizizya lyankani vino wandi uvilande mu nzila ya mucinzi. Wazyani 2 Timoti 2:24 ne 1 Peter 3:15, nu kulanzyanya ya-a amawuzyo:
Ungawomvya wuli ya-a amawaliko pano ukulanzyanya na wanji pa vya mu Baibolo?
Walupwa wamwi ni viwuza wangakana ukwivwa kwe vino ukuwasambilizya. Nomba avyani vino uzipizile ukucita? Swinya avyani vino utazipizile ukucita?
Amulandu ci wuno uzipizile ukuwakolowozya amawuzyo mu mucenjelo ukucila ukuwanena vye vino wazipizile ukuzumilamo?
5. Ukuwizya ilyasi lizima kukaleta insansa
E Yehova wapile e Yesu umulimo wakuwizya ilyasi lizima. Uzye e Yesu walolanga wuli wo-o umulimo? Wazyani Yohani 4:34, nu kulanzyanya ya-a mawuzyo:
Ukulya ivyakulya ivizima kukalenga uwumi witu ukuzipa swinya kukalenga tuwawa ni nsansa . Amulandu ci wuno e Yesu wakolinye ukucita ukulonda kwa kwe Leza, ukuwikako nu kuwizya ilyasi lizima ku kulya ivyakulya?
Uzye ukulola ukuti avizima ci vino vingafumamo mu kuwizya ilyasi lizima?
Vino ungacita
Pa kulongana kwa mukasi ke sabata, uyize ulole inzila zimwi zino ungawomvya pa kutalika ukulanzyanya na wantu.
Kolowozya wino akakusambilizya Baibolo pe vino ungacita pakuti utalike ukulandako amalyasi ya wasambi pa kulongana kwa mukasi ke sabata. Ya-a amalyasi yalikwavwa ukuyipekanya ukunenako wanji pe vino ukusambilila.
Pa kuti umanye ivyakwasuka amawuzyo yano awavule wavulila ukukolowozya, womvya ivyewo vino vyawa mwe lyonye ibuku vino vili pano patili “Wamwi Wakati” nanti “Wumwi Angati.”
WUMWI ANGATI: “Ukacita cani pe yo-o impindi?”
Ungawomvya wuli lo-o ulongo ukumunenako pe vino wasambilizile pi sambililo lye Baibolo?
IVISINKA VIKULU
Ukuwizizya wanji ilyasi lizima kukaleta insansa, swinya citatala nanti akutala.
Avyani Vino Wasambilila?
Amulandu ci wuno uzipizile uwanenelako wanji pi lyasi lizima ?
Ungacita wuli pakuti uwawa nu mucinzi pano ukuwizya?
Ungacita wuli pakuti utawa ni ntete pano ukuwizya?
MANYILAPO NA VINJI
Sambilila pa nzila 4 zino zingakwavwa ukuwizya Ilyasi Lizima ukuwomvya e kardi ye jw.org.
Sambilila pa miwele 4 yino yingakwavwa ukuwizya ilyasi lizima.
“Uzye Muyipekinye Ukuwa Awalondo wa Wantu?” (Ulupungu lwa kwe Malonda, September 2020)
Tamba vino icakulolelako ca mu Baibolo cingakwavwa ukuwa we musipe pano ukuwizya nanti acakuti we mutici
Lola vino ungacita pa kuti uwalanzyanya na walupwa lwako ivya mu Baibolo wano wasitela wasambililepo pe Yehova.
“Vino Mungafika pa Myezo ye Walupwa Wano asa wa Nte” (Ulupungu lwa kwa Kalinda, March 15, 2014)