¿Nda̱saa va̱ʼa xa̱ún kunda̱a̱-iniún xa̱ʼa Ndióxi̱?

“Tutu ña̱ ley yóʼo kǒo sandákoún kaʼviúnña, ñu̱ú xíʼin káʼñu kaʼviúnña ta ndakanixi̱níún xa̱ʼaña, tasaá va̱ʼa keʼún ña̱ káʼa̱nña xíʼún; ta ndiʼi ña̱ keʼún va̱ʼa kanaña.”

(Josué 1:8)

“Ta ka̱ʼvikana libro nu̱ú va̱xi ley Ndióxi̱ míí ta̱ nda̱a̱, ta ki̱xaʼána ndákanina xa̱ʼaña ña̱ va̱ʼa kunda̱a̱ka-inina xíʼinña.”

(Nehemías 8:8)

“Si̱í íyo ini ta̱ va̱ása ndíku̱n consejo na̱ yiví na̱ kéʼé ña̱ kini [...]. Chi ña̱ kútóokara kaʼvira kúú ley Jehová, ñu̱ú ta káʼñu káʼviraña ta ndákanixi̱níra xa̱ʼaña [...], tasaá ndiʼi ña̱ keʼéra va̱ʼa kanaña.”

(Salmo 1:1-3)

“Xi̱nu ta̱ Felipe ta ni̱xa̱a̱ra ni̱niʼíra [ta̱ ñuu Etiopía] ta xi̱niso̱ʼora káʼvi ta̱yóʼo tutu ña̱ ka̱ʼyí ta̱ profeta Isaías, ta káchira xíʼinra: ‘¿Á kúnda̱a̱-iniún xíʼin ña̱ káʼviún?ʼ. Ta̱yóʼo nda̱kuiinra: ‘¿Ndáaña keʼíi̱ ña̱ va̱ʼa kunda̱a̱-inii̱ tá kǒo na̱ káʼa̱n xíʼi̱n ndáaña kúni̱ kachiña?ʼ.”

(Hechos 8:30, 31)

“Saáchi ndiʼi ña̱ʼa ña̱ i̱xava̱ʼa Ndióxi̱, nani tá ki̱xaʼá xa̱ʼa ñuyǐví, káʼa̱nña xa̱ʼara ña̱ kúúra Ndióxi̱ ta̱ íyoní ndée ndaʼa̱, ni iinna va̱ása kivi ka̱ʼa̱n ña̱ su̱ví saá íyoña.”

(Romanos 1:20)

“Ndakanixi̱ní xa̱ʼa ña̱yóʼo; kundi̱ʼi̱ka-iniún xa̱ʼaña, ña̱ va̱ʼa ná kunda̱a̱-ini ndiʼina xa̱ʼa ña̱ xa̱ku̱a̱ʼa̱n kútuʼvakaún.”

(1 Timoteo 4:15)

“Ná kundi̱ʼi̱-iniyó xa̱ʼa táʼanyó ta ná kuʼvi̱ka-iniyó kuni táʼanyó ta keʼéyó ña̱ va̱ʼa xíʼin táʼanyó, ta kǒo sándákooyó ña̱ ndatakayó.”

(Hebreos 10:24, 25)

“Ndáa ndóʼó kúma̱ní ña̱ ndíchi nu̱ú, ndakundeékandó ndukúndóña nu̱ú Ndióxi̱, chi ta̱yóʼo taxivaraña ndaʼa̱ndó.”

(Santiago 1:5)