¿Ndáaña káʼa̱n Biblia koo chí nu̱únínu?

“Na̱ yiví va̱ʼa kúú na̱ koo nu̱ú ñuʼú, ta ndiʼi tiempo kundoona nu̱úña.”

(Salmo 37:29)

“Ñuʼú ndiʼi tiempo kooña.”

(Eclesiastés 1:4)

“Miíra sandiʼi-xa̱ʼa ña̱ xíʼi̱yó, ta mií Tátayó Jehová ya̱kúnra ti̱kui̱í nu̱úyó.”

(Isaías 25:8)

“Ná kixa̱a̱ tiempo kán na̱ kǒo túvi nu̱ú kutu̱vi nu̱úna, na̱ kǒo xíniso̱ʼo kuniso̱ʼona. Ná kixa̱a̱ tiempo kán na̱ kǒo kívi kaka va̱ʼa kakana nda̱a̱ va̱ʼa kanditana táki̱ʼva íxaa tí yusu, na̱ kǒo kívi ka̱ʼa̱n va̱ʼa ka̱ʼa̱nna. Nu̱ú ñuʼú yi̱chí kana ti̱kui̱í, ta nu̱ú yóso̱ yi̱chí kunurá ku̱ʼu̱nrá.”

(Isaías 35:5, 6)

“[Ndióxi̱] ya̱kúnra ti̱kui̱í nu̱úna, ta kǒo kuvikana, ni va̱ása kooka ña̱ kusuchí-inina ni va̱ása kuakukana, ni va̱ása kooka ña̱ xóʼvi̱na. Ndiʼi ña̱yóʼo xa̱ni̱ya̱ʼaña.”

(Revelación 21:4)

“Keʼéna veʼe, ta miína koo iniña; ta chiʼina uva ta miína kaxirí. Kǒo keʼéna veʼe ta inkana koo iniña; va̱ása chiʼina uva ta inkana kaxirí. Chi na̱ ñui̱ ku̱a̱ʼákaví tiempo koona táki̱ʼva xíyo iin yitu̱n, ndiʼi chiñu keʼéna kusi̱í-inina xíʼinña.”

(Isaías 65:21, 22)