Ndóʼó na̱ íyo se̱ʼe

¿Ndáaña va̱ʼa taxiún ndaʼa̱ se̱ʼún? Na̱ va̱lí ku̱a̱ʼání ña̱ʼa xíniñúʼuna, tá kúú ña̱ kundaayó miína, ña̱ chinúuyó iin yichi̱ va̱ʼa nu̱úna, ña̱ kuʼvi̱-iniyó kuniyóna. Soo míí ña̱ ndáyáʼvi va̱ʼaka kúú ña̱ ná sakuaʼana xa̱ʼa Jehová nu̱ú Biblia (Juan 17:3). Tasaá va̱ʼaka xa̱a̱na kuʼvi̱-inina kunina Jehová ta kachíñuna nu̱úra xíʼin ndiʼi níma̱na, ni válína (Mateo 21:16).

Ku̱a̱ʼání na̱ íyo se̱ʼe káchina va̱ʼaka sákuaʼa na̱ va̱lí tá loʼo loʼo ña̱ʼa sánáʼa̱yóna. Xa̱ʼa ña̱yóʼo kúsi̱íní-inindi̱ káʼa̱nndi̱ xíʼinndó ña̱ ka̱na tutu yóʼo ña̱ naní, Ña̱ sákuaʼi̱ nu̱ú Biblia. Va̱ʼaní chindeéña yóʼó ña̱ sanáʼún se̱ʼún chi ña̱ va̱xi nu̱úña va̱ása yo̱ʼviña. Na̱ʼná valí xíʼin texto ña̱ va̱xi nu̱úña va̱ʼaní chindeéña na̱ va̱líchín iinsaá nda̱a̱ na̱ u̱ni̱ ku̱i̱ya̱ ña̱ va̱ʼa kunda̱a̱-inina chi xa̱ʼa na̱yóʼo ka̱naña. Ta va̱xitu sava ña̱ nda̱ka̱tu̱ʼundó se̱ʼendó. Soo tutu yóʼo su̱ví ña̱ kusikina kooña. Tutu yóʼo ka̱naña ña̱ va̱ʼa kaʼviúnña xíʼin se̱ʼún tasaá va̱ʼa kutáʼankandó.

Kúsi̱íní-inindi̱ ña̱ ta̱vándi̱ tutu yóʼo chi xíni̱ndi̱ va̱ʼa chindeéña miíún ña̱ va̱ʼa sanáʼún se̱ʼún xa̱ʼa Ndióxi̱ nda̱a̱ ni válína va̱ʼava sakuaʼana (2 Timoteo 3:14, 15).

Na̱ ñanindó,

Na̱ kíʼin kuenta xíʼin Ñuu Ndióxi̱ na̱ testigo Jehová