Índice

U̱vi̱ artículo yóʼo chindeétáʼan xíʼinyó ña̱ va̱ʼa chindayáʼviyó ña̱ nda̱a̱ ña̱ xíni̱yó xa̱ʼa Jehová chi miíra ta̱xi ña̱yóʼo ndaʼa̱yó, ta kǒo ni iin ña̱ʼa kivi kitáʼan xíʼinña. Ndáyáʼviní ña̱ nda̱a̱ ña̱ va̱xi nu̱ú Biblia, ña̱kán xíniñúʼu chika̱a̱yó ndée ña̱ va̱ʼa ndakiʼinyóña. Saátu sakuaʼayó ndáaña xíniñúʼu keʼéyó ña̱ va̱ʼa chindayáʼvikayó ña̱yóʼo ta ndáaña xíniñúʼu keʼéyó ña̱ va̱ʼa kuniso̱ʼoyó ndiʼi ña̱ káʼa̱n Jehová xíʼinyó.

Nu̱ú libro ta̱ Habacuc, sakuaʼayó ndáaña xíniñúʼu keʼéyó ña̱ va̱ása sandákooyó ña̱ kitaʼanyó xíʼin Jehová ta va̱ása sandákooyó ña̱ kandíxayóra tá yáʼayó nu̱ú tu̱ndóʼo. Artículo yóʼo sanáʼa̱ña miíyó ña̱ kixa̱a̱ iin ki̱vi̱ ña̱ ndatavá Jehová miíyó ndaʼa̱ ndiʼi tu̱ndóʼo ña̱ ndóʼoyó vitin xa̱ʼa ña̱ kándíxayóra.

Tá ku̱a̱ʼa̱n xáʼnuyó xíʼin tu̱ʼun Ndióxi̱, kúnda̱a̱-iniyó nda̱saa ndákanixi̱ní Jehová ta su̱ví inkáchi ndákanixi̱níra xíʼinyó. U̱vi̱ artículo yóʼo sanáʼa̱ña miíyó ndáaña keʼéyó ña̱ kǒo ndakanixi̱níyó táki̱ʼva ndákanixi̱ní na̱ ñuyǐví yóʼo ta ndáaña kivi keʼéyó ña̱ va̱ʼa ndakanixi̱níyó táki̱ʼva ndákanixi̱ní Jehová.