Va̱ása keʼún ña̱yóʼo tá káʼviún xíʼin iinna

Va̱ása ku̱a̱ʼá ka̱ʼún. Kǒo ndakanixi̱níún ña̱ miíún xíniñúʼu natúʼun xa̱ʼa ndiʼiña. Ta̱ Jesús xi̱keʼéra pregunta xíʼin na̱ yiví ña̱ va̱ʼa ná kunda̱a̱-inina xíʼin ña̱ na̱túʼunra xíʼinna (Mt 17:24-27). Tá kéʼún pregunta xíʼin na̱ káʼviún xíʼin u̱vi̱ saándó kusi̱íka-inindó xíʼinña. Ta saátu va̱ʼa kuniún á ndixa kúnda̱a̱-inina xíʼin ña̱ sákuaʼana (be-S pág. 253 párr. 3, 4). Tá kéʼún pregunta, kundatún nda̱a̱ ná ndakuiinna. Tá kǒo xíni̱na respuesta va̱ása ndi̱ku̱n ka̱ʼúnña xíʼinna, keʼé inka pregunta ña̱ va̱ása yo̱ʼvi̱ xíʼinna ña̱ va̱ʼa ná ndakuiinna (be-S pág. 238 párr. 1, 2). Loʼo loʼoña ka̱ʼún xa̱ʼa ña̱ va̱ʼa ná kunda̱a̱-inina xíʼin ña̱ sa̱kán sákuaʼana (be-S pág. 230 párr. 4).

Va̱ása yo̱ʼvi̱ sanáʼúnna. Va̱ása ku̱a̱ʼání natúʼún xíʼinna xa̱ʼa ña̱ tema ña̱ káʼvindó (Jn 16:12). Mií ña̱ ndáyáʼvi ka̱ʼún xíʼinna xa̱ʼa párrafo ña̱ va̱ʼa kunda̱a̱-inina xíʼinña (be-S pág. 226 párr. 4, 5). Tá ku̱a̱ʼání nátúʼún xíʼinna xa̱ʼa iin iinña, va̱ása kindooña xi̱nína (be-S pág. 235 párr. 3). Tá xa̱a̱ na̱kunda̱a̱ va̱ʼa inina xíʼinña ya̱ʼandó inka párrafo.

Su̱ví kuití ña̱ kaʼviún párrafo xíʼinna. Ña̱ kúni̱yó kúúña ná xa̱a̱ña níma̱na, su̱ví kaʼvi kuitíyóña nu̱úna (Lu 24:32). Tu̱ʼun Ndióxi̱ íyoní ndéeña xa̱ʼa ña̱yóʼo kaʼvi sava texto ña̱ kítáʼan xíʼin párrafo nu̱úna (2Co 10:4; Heb 4:12; be-S pág. 144 párr. 1-3). Kuniñúʼu ilustración ña̱ va̱ása yo̱ʼvi̱ (be-S pág. 245 párr. 2-4). Koto va̱ʼún ndáaña xíniñúʼu iin iin na̱ káʼviún xíʼin ta ndáaña kándíxana ña̱kán va̱ʼa chindéúnna. Keʼé táʼan pregunta yóʼo xíʼinna: “¿Ndáaña ndákanixi̱níún xa̱ʼa ña̱ sa̱kuaʼún vitin? ¿Ndáaña sánáʼa̱ña miíyó xa̱ʼa Jehová? ¿Nda̱saa chindeéña yóʼó tá ná kundi̱ku̱ún consejo yóʼó?” (be-S  pág. 238 párr. 3-5; pág. 259 párr. 1).