Chindeé se̱ʼún ña̱ ná kandíxana Ndióxi̱

Ndiʼi ña̱ʼa ña̱ i̱xava̱ʼa Ndióxi̱ náʼa̱ña ña̱ va̱ʼaní inira (Sl 19:1-4; 139:14). Soo na̱ ñuyǐví ta̱ Ndi̱va̱ʼa va̱ása káʼa̱nna ña̱ i̱xava̱ʼa Ndióxi̱ miíyó chi síínva ña̱ sánáʼa̱na (Ro 1:18-25). ¿Ndáaña keʼún ña̱ va̱ʼa ná kǒo kandíxa se̱ʼún ña̱ sánáʼa̱nana escuela? Chindeé táʼan xíʼinna vitin válíkana ña̱ va̱ʼa ná kandíxana Jehová ta kuʼvi̱-inina kuninara (2Co 10:4, 5; Ef 6:16). Nda̱ka̱tu̱ʼunna ndáaña ndákanixi̱nína xa̱ʼa ña̱ sákuaʼana escuela, ta kuniñúʼu ña̱ táxi na̱ ñuu Ndióxi̱ ña̱ va̱ʼa sanáʼúnna (Pr 20:5; Snt 1:19).

TÁNDI̱ʼI XI̱NINDÓ VIDEO ÑA̱ NANÍ LO QUE OPINAN OTROS JÓVENES: CREER EN DIOS, KA̱ʼA̱NNDÓ XA̱ʼA PREGUNTA YÓʼO:

• ¿Ndáaña káʼa̱n na̱ yiví xa̱ʼa Ndióxi̱?

• ¿Ndáaña sánáʼa̱na escuela nu̱ú káʼviún?

• ¿Nda̱chun va̱ʼa kándíxaún ña̱ íyo Ndióxi̱?

• ¿Ndáaña kivi ka̱ʼún xíʼin iinna ña̱ va̱ʼa kunda̱a̱-inina Ndióxi̱ kúú ta̱ i̱xava̱ʼa ndiʼi ña̱ʼa?