“To̱ʼó koún xíʼin yiváún xíʼin siʼún”

Tá ki̱xi ta̱ Jesús nu̱ú ñuʼú yóʼo ni̱ka̱ʼa̱nra: “To̱ʼó koún xíʼin yiváún xíʼin siʼún” (Éx 20:12; Mt 15:4). Xíʼin ndinuʼu-ini ta̱ Jesús ni̱ka̱ʼa̱nra chi va̱ʼaní xi̱kandíxara na̱ yivára tá ni̱xi̱yo loʼora (Lu 2:51). Tá xa̱a̱ ku̱chéera ni̱ndi̱ʼi̱-inira xa̱ʼa siʼíra ña̱ ná kuumiíñá ndiʼi ña̱ʼa tá xa̱a̱ ná kuvira (Jn 19:26, 27).

Tiempo vitin na̱ va̱lí kúa̱an ndíku̱nna ña̱ ke̱ʼé ta̱ Jesús tá kándíxana na̱ yivána ta íxato̱ʼónana. Ni xa̱a̱ ku̱chéena to̱ʼó ná kooyó xíʼinna ta kandíxayó ña̱ káʼa̱nna xíʼinyó (Pr 23:22). Inka ña̱ xíniñúʼu keʼéyó kúú ña̱ chindeéyóna tá ndeé ndóʼona á tá kúma̱ní xu̱ʼún ndaʼa̱na (1Ti 5:8). Ni kúúyó na̱ va̱lí á na̱ náʼnu, kivi na̱ʼa̱yó ña̱ íxato̱ʼóyó na̱ yiváyó tá káʼa̱n ni̱ʼiyó xíʼinna.

TÁNDI̱ʼI XI̱NINDÓ VIDEO ÑA̱ DIBUJO NDÁA KI̱ʼVA NATÚʼÚN XÍʼIN NA̱ YIVÁÚN, NDAKUIIN PREGUNTA YÓʼO:

• ¿Nda̱chun sava yichi̱ íxayo̱ʼvi̱ña xíʼún ña̱ natúʼún xíʼin na̱ yiváún?

• ¿Ndáaña kivi keʼún ña̱ ixato̱ʼún na̱ yiváún tá káʼún xíʼinna?

  

• ¿Ndáaña va̱ʼa ndakiʼún tá chíka̱ún ndée ña̱ káʼún xíʼin na̱ yiváún? (Pr 15:22).