Sakuaʼaka ña̱ va̱ʼa sanáʼa̱kaún: viíní keʼún pregunta

¿NDA̱CHUN XÍNIÑÚʼU KEʼÉYÓÑA? Ña̱ ndákanixi̱ní na̱ yiví nda̱a̱ táki̱ʼva íyo ti̱kui̱í tá ndíka̱a̱ nu̱ú kúnú va̱ʼa saá íyoña, xa̱ʼa ña̱kán xíniñúʼu kuniñúʼuyó pregunta ña̱ kunda̱a̱-iniyó ndáaña ndákanixi̱nína xa̱ʼa (Pr 20:5). Tá kéʼéyó pregunta, saá kúú ña̱ ka̱ʼa̱n miíyó ta̱ ka̱ʼa̱ntu na̱ nátúʼunyó xíʼin. Ta̱ Jesús va̱ʼaní pregunta xi̱keʼéra, ¿ndáa ki̱ʼva keʼéyó táʼan ña̱ xi̱keʼéra?

¿NDÁA KI̱ʼVA KEʼÉYÓÑA?

• Nda̱ka̱tu̱ʼunna ndáaña ndákanixi̱nína. Tá ni̱nda̱ka̱tu̱ʼun ta̱ Jesús na̱ discípulora na̱kunda̱a̱-inira ndáaña ndákanixi̱nína xa̱ʼa (Mt 16:13-16; be-S pág. 238 párr. 3-5). ¿Ndáaña kivi nda̱ka̱tu̱ʼún na̱ nátúʼún xíʼin?

• Keʼé inka pregunta xíʼinna tá va̱ása kúnda̱a̱-inina. Ña̱ va̱ʼa nasama ta̱ Jesús ña̱ ndákanixi̱ní ta̱ Pedro ke̱ʼéra ku̱a̱ʼá pregunta xíʼinra, ta ña̱yóʼo chi̱ndeé táʼan xíʼinra ña̱ na̱kunda̱a̱-inira ña̱ va̱ása va̱ʼa ña̱ ndákanixi̱níra (Mt 17:24-26). Tá va̱ása kúnda̱a̱-inina xa̱ʼa ña̱ káʼún, ¿ndáa inkaka pregunta kivi keʼún xíʼinna ña̱ kunda̱a̱-inina?

• Taxi tixaʼvi ndaʼa̱na xa̱ʼa ña̱ nda̱kuiinna. Ta̱ Jesús ni̱ka̱ʼa̱nra xíʼin iin ta̱ escriba ña̱ va̱ʼaní nda̱kuiinra (Mr 12:34). ¿Ndáaña kivi ka̱ʼún xíʼinna tá nda̱kuiinna pregunta ña̱ ke̱ʼún?

CHIKA̱A̱ TÁʼVÍ NU̱Ú ÑA̱ VIDEO NÁ NDAKUNDEÉYÓ KEʼÉYÓ CHIÑU ÑA̱ KE̱ʼÉ TA̱ JESÚS: NÁ SANÁʼA̱YÓ TA NDAKUIIN PREGUNTA YÓʼO:

• Ndiʼi ña̱ ni̱ka̱ʼa̱n ta̱ ni̱ya̱ʼa nu̱ú video ña̱ ndixa kúúña, soo ¿nda̱chun va̱ása va̱ʼa sánáʼa̱ra?

• ¿Nda̱chun va̱ása xíniñúʼu ka̱ʼnu̱-iniyó tá nátúʼunyó xíʼin na̱ yiví?

KOTO INKA TÁʼVI ÑA̱ VIDEO TA NDAKUIIN PREGUNTA ÑA̱ VA̱XI YÓʼO:

• ¿Nda̱chun kúú ña̱ kivi ka̱ʼa̱nyó ña̱ vií xi̱niñúʼu ta̱ hermano pregunta vitin?

• ¿Ndáaña kivi sákuaʼakayó xíʼin ña̱ ke̱ʼé ta̱yóʼo?