Ndasandakú ña̱ kándíxa inkana Jehová ta saátu ta̱ Jesús xíʼin libro ña̱ naní Kivi koo si̱íún vitin ta saátu chí nu̱únínu

Na̱ sákuaʼa xa̱ʼa̱ Ndióxi̱, xíniñúʼu sákuaʼana kandíxanínara tasaá xa̱a̱na sakúsi̱ína-inira (Heb 11:6). Libro ña̱ naní Kivi koo si̱íún vitin ta saátu chí nu̱únínu kivi chindeétáʼanña xíʼinyó ña̱ xa̱a̱yó nda̱a̱ níma̱ na̱ yiví. Saáchi va̱xi texto nu̱úña, káxiní káʼa̱nña, kúúmiíña pregunta, liviní na̱ʼná va̱xi nu̱úña ta saátu kúúmiíña video. Tá chíndeétáʼanyó xíʼin na̱ káʼviyó xíʼin ña̱ kuumiína táʼan ña̱ va̱ʼa ña̱ kúúmií Ndióxi̱ ta saátu ña̱ kutáʼan viína xíʼinra, ña̱yóʼo chindeétáʼanña xíʼinna ña̱ kandíxaníkanara, ta ni ná kixi tu̱ndóʼo nu̱úna kuchiñuna ya̱ʼana nu̱úña (1Co 3:12-15).

Sava na̱ yiví íxayo̱ʼvi̱níña xíʼinna kandíxana ña̱ kivi xa̱a̱na koona migo Ndióxi̱ xa̱ʼa̱ ña̱ va̱ása kívi kuninara. Ña̱kán xíniñúʼu chindeétáʼanyó xíʼinna ña̱ xa̱a̱na kuxini̱na Jehová ta kandíxanara.

TÁNDI̱ʼI XI̱TONDÓ VIDEO ÑA̱ NANÍ NDASANDAKÚ ÑA̱ KÁNDÍXA INKANA JEHOVÁ XÍʼIN LIBRO ÑA̱ NANÍ “KIVI KOO SI̱ÍÚN VITIN TA SAÁTU CHÍ NU̱ÚNÍNU”, NDAKUIINNDÓ PREGUNTA YÓʼO:

• ¿Nda̱chun va̱ʼa kúnda̱a̱-iniyó ña̱ ya̱chi̱ka ka̱ʼvi ñá hermana yóʼo ña̱ va̱ʼa kaʼviñá xíʼin ñá ñaʼá yóʼo?

• Ña̱ va̱ʼa ka̱ʼa̱n ñá ñaʼá yóʼo ndáaña ku̱ndaa̱-iniñá xíʼin Isaías 41:10, 13, ¿ndáa pregunta ke̱ʼé ñá hermana yóʼo xíʼinñá?

• ¿Ndáa ki̱ʼva chi̱ndeétáʼan video ta saátu texto va̱xi nu̱ú tu̱ʼun Ndióxi̱ xíʼin ñá ñaʼá yóʼo?

Ku̱a̱ʼání na̱ yiví íxayo̱ʼvi̱ña xíʼinna kandíxana ña̱ ni̱xi̱ʼi̱ ta̱ Jesús xa̱ʼa̱na, ta va̱ása xítona ña̱yóʼo nda̱a̱ táki̱ʼva íyo iin regalo Ndióxi̱ (Gál 2:20). Xa̱ʼa̱ ña̱yóʼo xíniñúʼu chindeétáʼanyó xíʼinna kandíxana ña̱ ni̱xi̱ʼi̱ ta̱ Jesús xa̱ʼa̱na.

TÁNDI̱ʼI XI̱TONDÓ VIDEO ÑA̱ NANÍ NDASANDAKÚ ÑA̱ KÁNDÍXA INKANA TA̱ JESÚS XÍʼIN LIBRO ÑA̱ NANÍ “KIVI KOO SI̱ÍÚN VITIN TA SAÁTU CHÍ NU̱ÚNÍNU”, NDAKUIINNDÓ PREGUNTA YÓʼO:

• ¿Nda̱chun va̱ʼa kúnda̱a̱-iniyó ña̱ ya̱chi̱ka ka̱ʼvi ta̱ hermano yóʼo ña̱ va̱ʼa kaʼvira xíʼin ta̱ ta̱a yóʼo?

• ¿Ndáa ki̱ʼva xi̱niñúʼura táʼví “Nandukúka xa̱ʼa̱ña” ña̱ va̱ʼa chindeétáʼanra xíʼin ta̱ ta̱a yóʼo?

• ¿Ndáa ki̱ʼva chindeétáʼan oración xíʼin na̱ káʼviyó xíʼin?