21-27 TÍ JULIO

PROVERBIOS 23

Yaa 97 xíʼin oración | Ña̱ ka̱ʼa̱nna tá ná kixáʼa reunión (1 min.)

ÑA̱ NDÁYÁʼVINÍ KÁʼA̱N TU̱ʼUN NDIÓXI̱

1. Consejo ña̱ va̱xi nu̱ú Biblia ña̱ káʼa̱n xa̱ʼa̱ ndixi

(10 min.)

Tá xa̱a̱ kúni̱yó koʼoyó ndixi, loʼorá ná koʼoyó (Pr 23:20, 21; w04-S 1/12 19 párrs. 5, 6).

Ku̱a̱ʼání tu̱ndóʼo kíxi nu̱úyó tá xíʼiyó nda̱a̱ xíniiyó (Pr 23:29, 30, 33-35; it-1-S 367, 368).

Ná kǒo ndakanixi̱níyó ña̱ kǒo ña̱ʼa kundoʼoyó tá xíʼiyó nda̱a̱ xíniiyó (Pr 23:31, 32).

Iin ñá hermana níndúʼuñá ta xítoñá iin botella ndixi.

2. Ná ka̱ʼa̱nyó xa̱ʼa̱ ña̱ chindeétáʼan xíʼinyó

(10 min.)

Pr 23:4. ¿Nda̱chun va̱ʼaní chíndeétáʼan texto yóʼo xíʼinyó tiempo vitin? (w22.10 22 párr. 16).

Ña̱ ndakuiún
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?

Ña̱ ndakuiún

3. Ña̱ kaʼviyó nu̱ú tu̱ʼun Ndióxi̱

(4 min.) Ap 4:1-11 (th lección 5).

NÁ SANÁʼA̱ VIÍYÓ

4. Kixáʼa natúʼun xíʼin na̱ yiví

(2 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. (lmd lección 3 punto 5).

5. Ndikó nu̱úna

(5 min.) TÁ KU̱A̱ʼÚN VEʼE TÁ VEʼE. Ka̱ʼa̱n xíʼinna ndáa ki̱ʼva káʼviyó xíʼin na̱ yiví (lmd lección 9 punto 5).

6. Ná xa̱a̱na ndasakáʼnuna Ndióxi̱

(5 min.) Ka̱ʼa̱n xíʼin na̱ káʼviún xíʼin ña̱ va̱ʼaní kéʼéna, ña̱ chíkaa̱na ndee̱ ña̱ sándakoona keʼéna ña̱ kúndasí Jehová xínira (lmd lección 12 punto 4).

ÑA̱ KÉʼÉYÓ NA̱ TESTIGO JEHOVÁ

Yaa 35

7. ¿Á va̱ʼa taxii̱ ndixi koʼona?

(8 min.) Ka̱ʼa̱n ta ná ka̱ʼa̱nna.

Tá xa̱a̱ kéʼéyó iin vikó, tá kúú iin vikó ña̱ tíndaʼa̱na, ¿á va̱ʼa taxiyó ndixi koʼona? Miíyó ndaka̱xin ndáaña keʼéyó, soo ná kiʼinyó kuenta xíʼin ña̱ káʼa̱n Biblia xa̱ʼa̱ ndixi ta saátu ná kiʼinníyó kuenta xíʼin ña̱ ndákanixi̱ní inkana.

U̱vi̱ na̱ novio nátúʼun-táʼanna á taxina ndixi koʼo na̱ yiví tá ná tindaʼa̱na. Nu̱ú mesana kánúu iin Biblia, ta saátu iin tableta nuú va̱xi na̱ʼná sava vino.

Chikaa̱ VIDEO ¿Á va̱ʼa taxii̱ ndixi koʼona? Tándi̱ʼi keʼé pregunta ña̱ va̱xi yóʼo:

¿Ndáa ki̱ʼva chíndeétáʼan texto ña̱ va̱xi yóʼo xíʼinyó ña̱ kunda̱a̱-iniyó á taxiyó ndixi koʼona?
- Jn 2:9. Ta̱ Jesús nda̱sara ti̱kui̱í vino iin vikó nu̱ú tíndaʼa̱na.
  
  Ña̱ ndakuiún
- 1Co 6:10. “Na̱ xíʼi nda̱a̱ xíniina [...] va̱ása ki̱ʼvina ti̱xin Reino Ndióxi̱”.
  
  Ña̱ ndakuiún
- 1Co 10:31, 32. “Tá na̱ xíxi kúúndó, á na̱ xíʼi kúúndó á nda̱a̱ ndáaka ña̱ kéʼéndó, keʼéndóña ña̱ va̱ʼa ná ndukáʼnu Ndióxi̱. Kuentaní koondó [...] xíʼin ña̱ kéʼéndó”.
  
  Ña̱ ndakuiún
¿Ndáaña xíniñúʼu kiʼinyó kuenta xíʼin?

Ña̱ ndakuiún
¿Nda̱chun xíniñúʼu viíní ndakanixi̱níyó tá xa̱a̱ káʼviyó ña̱ va̱xi nu̱ú Biblia? (Ro 12:1; Ec 7:16-18).

Ña̱ ndakuiún