¿Á cristiano kúú na̱ testigo Jehová?
Kúúvandi̱ cristiano. Yóʼo va̱xi sava ña̱ náʼa̱ ña̱ kándíxandi̱ ta̱ Jesús:
Chíka̱a̱ndi̱ ndee̱ ña̱ kundiku̱nndi̱ yichi̱ ta̱ Jesucristo ta saátu ña̱ keʼéndi̱ ndiʼi ña̱ sa̱náʼa̱ra (1 Pedro 2:21).
Ndi̱ʼi̱ kándíxandi̱ ña̱ kuniñúʼu Ndióxi̱ se̱ʼera ta̱ Jesús ña̱ va̱ʼa sakǎkura miíyó, “saáchi kǒo inka ki̱vi̱ nu̱ú ñuʼú yóʼo ña̱ níndaka̱xin Ndióxi̱ ña̱ kivi sakǎku miíyó” (Hechos 4:12).
Ña̱ va̱ʼa xa̱a̱ndi̱ koondi̱ testigo Jehová ndákuchindi̱ xíʼin ki̱vi̱ ta̱ Jesús (Mateo 28:18, 19).
Tá káʼa̱nndi̱ xíʼin Ndióxi̱ xíniñúʼundi̱ ki̱vi̱ ta̱ Jesús (Juan 15:16).
Kándíxandi̱ ña̱ mií ta̱ Jesús kúú ta̱ níʼi yichi̱ nu̱ú ndiʼi na̱ ta̱a (1 Corintios 11:3).
Soo saátu íyo inkaka ña̱ʼa ña̱ náʼa̱ ña̱ xa̱a̱ síín íyondi̱ nu̱ú iin inka religión na̱ naní cristiano. Tá kúú, ndi̱ʼi̱ kándíxandi̱ ña̱ sánáʼa̱ ña̱ Biblia ña̱ se̱ʼe mií Ndióxi̱ kúú ta̱ Jesús, ta su̱ví iin trinidad kúúra (Marcos 12:29). Ta saátu kǒo kándíxandi̱ ña̱ tákuka na̱ yiví tá xa̱a̱ ni̱xi̱ʼi̱na, saátu kǒo káʼa̱n ña̱ Biblia ña̱ sáxo̱ʼvi̱ Ndióxi̱ na̱ yiví ti̱xin ndayá á infierno, saátu kǒo káʼa̱n ña̱ Biblia ña̱ xíniñúʼu kuumií na̱ su̱tu̱ iin ki̱vi̱ ña̱ kivi ndasakáʼnu miína (Eclesiastés 9:5; Ezequiel 18:4; Mateo 23:8-10).