Ndióxi̱ kúú ra̱ kuvi kutáʼan va̱ʼaka xíʼinyó

Ña̱ ná kutáʼan va̱ʼayó xíʼin Ndióxi̱ kúú ña̱ va̱ʼaníka. Ndióxi̱ sana̱ʼa̱ra yóʼo̱ ña̱ kusi̱í-iniún ta va̱ása kundi̱ʼi-iniún; saka̱kura yóʼo̱ nu̱ú ña̱ vatá ña̱ sánáʼa̱ veñu̱ʼu xíʼin ña̱ kuvi satakue̱ʼe̱ yóʼo̱. Kuniso̱ʼora ña̱ ka̱ʼún xíʼin ra. Taxira ña̱ táxin koo iniún ta saátu ña̱ kuvi keʼún ndiʼi chiñu saáchi íyora xíʼún (Salmo 71:5; 73:28). Ndióxi̱ chindiétáʼanra xíʼún ki̱ví yáʼún nu̱ú tu̱ndóʼo ña̱ ndiééní (Salmo 18:18). Saátu taxira ña̱ kutiakuún ndisaá tíempo (Romanos 6:23).

Tá xa̱ kúyatinyó nu̱ú Ndióxi̱, kúyatintuyó nu̱ú na̱ ítáʼan va̱ʼa xíʼin ra. Na̱ ítáʼan va̱ʼa xíʼin Ndióxi̱ nduuna na̱ kutáʼan va̱ʼa xíʼún. Xa̱a̱na nduuna ndi̱a̱ tá íyo miína veʼún. Kusi̱í-inina sana̱ʼa̱na yóʼo̱ xa̱ʼá Ndióxi̱, ta chika̱a̱na ndieé xíʼún.

Va̱ása inkáchi íyoyó xíʼin Ndióxi̱. Tá ná kutáʼan va̱ʼayó xíʼin Ndióxi̱ xíniñúʼu kunda̱a̱-iniyó ña̱yóʼo: ña̱ ítáʼanyó xíʼin Ndióxi̱ kǒé inkáchi íyoña ndi̱a̱ tá ítáʼanyó xíʼin na̱ yiví. Káʼnukara nu̱úyó, ndíchiníra, ta íyoníka ndieé ndaʼára. Mitúʼunra íyo ichí kaʼndiachíñu nu̱úyó. Xa̱ʼá ña̱yóʼo, átu kúni̱yó kutáʼan va̱ʼayó xíʼin ra, xíniñúʼu kuniso̱ʼoyó ta saxi̱nuyó ña̱ kúni̱ ra. Ña̱ ná kandixayó Ndióxi̱ ña̱ va̱ʼa miíyó kúúña (Isaías 48:18).