¿Yóó kúú Ndióxi̱ ra̱ nda̱a̱?

Íyo iinda̱á Ndióxi̱ ra̱ nda̱a̱, ki̱víra kúú Jehová (Salmo 83:18). Íyo ra nu̱ú ndiví ta va̱ása kuvi kuniyóra. Kúʼvi̱-inira xínira miíyó ta kúni̱ra ná ku̱ʼvi̱-iniyó kuniyóra. Saátu kúni̱ra ná ku̱ʼvi̱-iniyó kuniyó inkana (Mateo 22:35-40). Mitúʼun ra̱yóʼo kúú ra̱ Káʼnuka nu̱ú túkúndiʼina, ta ra̱yóʼo kúú ra̱ i̱xava̱ʼa túkúndiʼi ña̱ʼa.

Ki̱ví nu̱ú, Jehová xiʼna i̱xava̱ʼara iin ángel ra̱ íyoní ndieé ndaʼá, ta tá ni̱ya̱ʼa tíempo ra̱ ángel yóʼo nda̱kunaníra Jesucristo. Saátu Jehová i̱xava̱ʼara inka na̱ ángel.

Jehová i̱xava̱ʼa túkúndiʼi ña̱ íyo nu̱ú ndiví...xíʼin ña̱ íyo nu̱ú Ñuʼú yóʼo (Revelación [Apocalipsis] 4:11)

Jehová ke̱ʼétura ki̱mi, saátu Ñuʼú yóʼo xíʼin ndiʼi ña̱ íyo nu̱ú ña (Génesis 1:1).

Ndióxi̱ i̱xava̱ʼara ta̱ Adán, ra̱yóʼo xi̱kuu ra̱ nu̱ú ni̱xi̱yo nu̱ú Ñuʼú yóʼo, xíʼin ñuʼú i̱xava̱ʼañaʼára (Génesis 2:7).