LECCIÓN 4

Viíní ka̱ʼún xa̱ʼa texto ña̱ kuniñúʼún

Mateo 22:41-45

Chindeétáʼan xíʼin na̱ káʼún xíʼin ña̱ va̱ʼa ná koo tu̱ʼvana ña̱ kuniso̱ʼona texto ña̱ kaʼviún nu̱úna.

Ndakanixi̱ní ndáa xa̱ʼa kúú ña̱ káʼviún iin texto. Ka̱ʼa̱n xíʼinna ndáa ña̱ʼa kúú ña̱ kúni̱ún kunda̱a̱-inina xa̱ʼa nu̱ú tá iin iin texto ña̱ káʼviún nu̱úna.

Kiʼún kuenta xíʼin savaka ña̱ kítáʼan xíʼin iin texto ña̱ káʼviún. Tá káʼún xíʼinna xa̱ʼa na̱ ka̱ʼyí texto ña̱ kaʼviún nu̱úna, á ndáana ni̱ka̱ʼa̱n iin tu̱ʼun ña̱ va̱xi nu̱úña, kiʼún kuenta á ña̱ nda̱a̱ kúú ña̱ káʼún xíʼinna.
Kuniñúʼu Biblia chi ndáyáʼviníña. Tá káʼún xíʼin iin na̱ yiví na̱ xa̱a̱ kándíxa Ndióxi̱, na̱ʼa̱ nu̱úna ña̱ tu̱ʼun Ndióxi̱ kúú ña̱ va̱xi nu̱ú Biblia, tasaá kunda̱a̱-inina ña̱ va̱ʼaní ña̱ va̱xi nu̱úña.
Va̱ʼaní ka̱ʼún xíʼinna xa̱ʼa texto ña̱ kaʼviún. Keʼé iin pregunta ña̱ kivi ndakuiún xíʼin iin texto, ka̱ʼa̱n xíʼinna nda̱saa kivi chindeéña miíyó nu̱ú iin tu̱ndóʼo, á ka̱ʼa̱n xíʼinna ndáaña sákuaʼayó xíʼinña.

Koto ndáa ña̱ʼa kúú ña̱ xa̱a̱ kúnda̱a̱-inina xa̱ʼa texto ña̱ kaʼviún nu̱úna, á ña̱ ka̱ʼún xa̱ʼa xíʼinna. Va̱ʼaní ka̱ʼún xíʼinna xa̱ʼa texto ña̱ kaʼviún nu̱úna ni xa̱a̱ xíni̱vanaña, ta chindeétáʼan xíʼinna ña̱ va̱ʼa ná kunda̱a̱ka-inina xíʼinña.