¿Ama kúú ña̱ kǒo xíniñúʼu natúʼunkaún xíʼin na̱ yiví?

Tá ndáka̱tu̱ʼúnna miíyó xa̱ʼa̱ iin ña̱ʼa á kǒo kándíxana ña̱ kándíxayó ta kúni̱na ña̱ ná natúʼunyó xíʼinna xa̱ʼa̱ iin ña̱ʼa, ná ka̱ʼa̱nvayó xíʼinna xa̱ʼa̱ña. Saáchi kúni̱yó natúʼunyó xíʼin na̱ yiví na̱ kúni̱ “kutaku ndiʼi tiempo” (Hech. 13:48).

Soo, tá na̱ yiví kán sáa̱na, ta na̱ kúni̱ na̱á kuití kúúna ta kǒo kúni̱na natúʼunna, va̱ʼaka to̱ʼó ná ka̱ʼa̱nyó xíʼinna ta ndakiʼinyó ku̱ʼu̱nyó ta kǒo natúʼunkayó xíʼinna (Prov. 17:14). To̱ʼó ka̱ʼún xíʼinna tá xa̱a̱ ná ku̱ʼu̱n. Chi tá ná ya̱ʼa tiempo sana kuni̱vana kuniso̱ʼona yóʼó (1 Ped. 2:12).