Ndáa ki̱ʼva taxiyóña

La Atalaya 1 tí junio

“Xíkandi̱ nátúʼunndi̱ xíʼin na̱ yiví xa̱ʼa ña̱ Biblia ña̱ ndáyáʼviníña. Ku̱a̱ʼání na̱ científico káʼa̱nna su̱ví ndiʼi ña̱ sánáʼa̱ Biblia kúú ña̱ nda̱a̱. Soo, ¿ndáaña ndákanixi̱ní yóʼó? ¿Á kándíxaún ña̱ káʼa̱n Biblia? [Kundatún ná ndakuiinna.] Kotoún ña̱ káʼa̱n Biblia, xíʼin ña̱yóʼo náʼa̱ña ña̱ sánáʼa̱ña ña̱ nda̱a̱. [Kaʼvi Job 26:7.] Ña̱ revista yóʼo náʼa̱ña nu̱úyó ña̱ Biblia kítáʼanña xíʼin ña̱ káʼa̱n na̱ científico.”

Historia ña̱ va̱xi nu̱ú Biblia

“Xa̱ʼa ña̱ íyoní ña̱ kini veʼe escuela, nu̱ú televisión xíʼin Internet, ¿ndáaña xíniñúʼu keʼéyó ña̱ sanáʼa̱yó ña̱ va̱ʼa na̱ va̱lí se̱ʼeyó? [Kundatún ná ndakuiinna.] ¿Á xíni̱ún nda̱chun xíkandi̱ káʼa̱nndi̱ xíʼin na̱ íyo se̱ʼe ña̱ ná kaʼvina Biblia xíʼin se̱ʼena? [Kaʼvi Salmo 1:2, 3.] Ku̱a̱ʼání na̱ yiví ndákanixi̱nína ña̱ yo̱ʼvi̱ní kunda̱a̱-iniyó xíʼin ña̱ káʼa̱n Biblia, kachikaví na̱ va̱lí se̱ʼeyó, soo su̱ví saá íyoña. Kúni̱i̱ taxii̱ libro yóʼo ndaʼún nu̱ú ña̱yóʼo va̱xi historia ña̱ Biblia, ta va̱ása yo̱ʼvi̱ kunda̱a̱-inindó xíʼinña.”