Sakuaʼaka ña̱ va̱ʼa sanáʼa̱kaún: sanáʼa̱ na̱ káʼviún xíʼin ña̱ ná sakuaʼana kaʼvi ni̱ʼina Biblia
¿Nda̱chun xíniñúʼu sanáʼa̱yóna? Ña̱ va̱ʼa xa̱a̱ na̱ káʼviyó xíʼin ndakú koo inina xíʼin Ndióxi̱, xíniñúʼu kuxini̱na ku̱a̱ʼáka ña̱ʼa ña̱ káʼa̱n Biblia xa̱ʼa (Heb. 5:12–6:1). Ña̱ va̱ʼa kuxini̱na xíniñúʼu chika̱a̱na ndée ña̱ chitáʼanna ña̱ sákuaʼana ku̱a̱ʼa̱nna xíʼin ña̱ xa̱xíni̱na ta saátu chika̱a̱na ndée ña̱ keʼénaña (Prov. 2:1-6). Ña̱ va̱ʼa ndani̱ʼína ña̱ kúni̱na kunda̱a̱-inina xa̱ʼa xíniñúʼu sakuaʼana nandukú miínaña nu̱ú Biblia. Xa̱ʼa ña̱ chíka̱a̱na ndée, chindeéña miína ña̱ ndakú koo inina xíʼin Ndióxi̱ ta va̱ʼa ya̱ʼana nu̱ú nda̱a̱ ndáaka tu̱ndóʼo ña̱ va̱xi nu̱úna (Luc. 6:47, 48).
Keʼé ña̱yóʼo yo̱o̱ yóʼo:
Tá sa̱ndíʼindó ka̱ʼvindó iin subtítulo á iin capítulo, ka̱ʼa̱n xíʼinna ná ka̱ʼa̱nna xíʼún tu̱ʼun yuʼú miína xa̱ʼa ña̱ sa̱kuaʼana. Tá kǒo iin na̱ káʼviún xíʼin, kaʼvi iin texto ña̱ vaxi nu̱ú Biblia á iin párrafo ña̱ vaxi nu̱ú La Atalaya ta ka̱ʼa̱n loʼo xa̱ʼa ña̱ sa̱kuaʼún. Tásaá ná keʼún va̱ʼaní kunda̱a̱-iniún xíʼin ña̱ káʼviún.