Ta̱ Job ni̱xi̱yo nda̱kú-inira nu̱ú tu̱ndóʼo

Ta̱ Job ni̱xi̱yora ñuu Uz tá tiempo xi̱ndoo na̱ ñuu Israel chí ñuu Egipto. Su̱ví ta̱ ñuu Israel níxi̱kuura, soo xi̱ndasakáʼnura Jehová xíʼin ndiʼi inira. Ku̱a̱ʼání xi̱kuu se̱ʼera ta iin ta̱ ku̱i̱ká xi̱kuura. Ndiʼina xi̱xiniñaʼá, iin ta̱ to̱ʼóní xi̱kuura ta ndíchíní ni̱xi̱yora. Va̱ʼaní ni̱xi̱yo inira xíʼin na̱ nda̱ʼví ta xi̱chindeérana. Ta̱ Job ndinuʼu-inira xi̱ndasakáʼnura Ndióxi̱.

Ta̱ Job xíʼin chiñu ke̱ʼéra ni̱na̱ʼa̱ra ña̱ Jehová kúú ta̱ ndáyáʼvika nu̱úra

1:8-11, 22; 2:2-5

• Ta̱ Ndi̱va̱ʼa xi̱nira ña̱ ndinuʼuní-ini ta̱ Job xíʼin Ndióxi̱. Kǒo níka̱ʼa̱nra ña̱ va̱ása xíniso̱ʼo ta̱ Job ña̱ káʼa̱n Ndióxi̱, chi inkaka ña̱ vatáva ni̱ka̱ʼa̱nra xa̱ʼara.

• Ta̱ Ndi̱va̱ʼa ni̱ka̱ʼa̱nra xa̱ʼa ta̱ Job ña̱ ndásakáʼnura Jehová xa̱ʼa ña̱ táxira ña̱ʼa ndaʼa̱ra.

• Ña̱kán ta̱xi Jehová permiso ndaʼa̱ ta̱ Ndi̱va̱ʼa ña̱ keʼéra ku̱a̱ʼá ña̱ʼa xíʼin ta̱ Job, ta ku̱a̱ʼání ña̱ʼa ke̱ʼé ta̱ Ndi̱va̱ʼa xíʼinra.

• Xa̱ʼa ña̱ ni̱xi̱yo nda̱kú-ini ta̱ Job, ta̱ Ndi̱va̱ʼa ni̱ka̱ʼa̱nra tu̱ʼun vatá xa̱ʼa ndiʼiyó na̱ yiví.

• Ta̱ Job va̱ása níka̱ʼa̱n ndi̱va̱ʼara xa̱ʼa Ndióxi̱ ni kǒo níchika̱a̱ra ku̱a̱chi Ndióxi̱ xa̱ʼa ndiʼi ña̱ ki̱xi nu̱úra.