Na̱ ndixa ndíkó-ini ndákiʼinva Jehová miína

Ta̱ David ka̱ʼyíra ña̱ Salmo 51 tándi̱ʼi ni̱ka̱ʼa̱n ta̱ Natán xíʼinra xa̱ʼa ku̱a̱chi ña̱ ni̱ki̱ʼvira xíʼin ñá Batseba. Xa̱ʼa ña̱ ke̱ʼé ta̱ David ndi̱kóní-inira, ta ni̱na̱ʼma̱ra ku̱a̱chira (2Sa 12:1-14).

Ni ni̱ki̱ʼvi ta̱ David ku̱a̱chi, soo kiviva koo káʼnu-ini Ndióxi̱ xa̱ʼara

51:3, 4, 8-12, 17

• Tá kúma̱ní ndikó-inira ta natúʼunra xa̱ʼa ña̱ ke̱ʼéra, kǒo níxi̱yo va̱ʼa inira ta xi̱ndakavaní-inira.

• Nda̱kavaní-inira xa̱ʼa ña̱ kǒo níkeʼéra ña̱ kúni̱ Ndióxi̱, nda̱a̱ tá níxi̱yo ta̱ tu̱kueʼe̱ leke saá ni̱xi̱yora.

• Ta̱ David xi̱kuni̱ra koo káʼnu-ini Jehová xa̱ʼara, ta ndikó tukura si̱í koora nda̱a̱ tá ni̱xi̱yora tá ya̱chi̱.

• Ni̱ka̱ʼa̱n nda̱ʼvíra xíʼin Jehová ña̱ ná chindeérara va̱ʼa kuniso̱ʼora ña̱ káʼa̱nra.

• Kǒo níxi̱ka-inira ña̱ koo káʼnu-ini Jehová xa̱ʼara.