ÑA̱ KÁʼA̱N BIBLIA XA̱ʼA | PROVERBIOS 1-6

“Kandíxa Jehová xíʼin ndiʼi níma̱ún”

Iin ta̱ ni̱xi̱yo tiempo xi̱naʼá káʼa̱nra xíʼin Ndióxi̱

Ndinuʼuní-iniyó ná kandíxayó Jehová. Ña̱ kúni̱ kachi ki̱vi̱ra, chíndeéña miíyó ña̱ kandíxakayó ña̱ va̱ʼa xi̱nu ndiʼi ña̱ káʼa̱nra keʼéra. Ña̱ oración chíndeétu ña̱yóʼo miíyó ña̱ kándíxakayóra. Ña̱ Proverbios capítulo 3 káʼa̱n xíʼinyó, tá ná kandíxayó Jehová, chindeé táʼanra xíʼinyó keʼéyó ña̱ va̱ʼa.

¿Ndáaña kéʼé iin na̱ xíni̱ní nu̱ú miína?

3:5-7

Kéʼéna ña̱ kúni̱ miína, va̱ása ndúkúna yichi̱ nu̱ú Jehová.
Kándíxakana miína ta kéʼéna ña̱ kéʼé ku̱a̱ʼání na̱ yiví.

¿Ndáaña kéʼé na̱ kándíxa Jehová?

Ña̱ va̱ʼa kutáʼanna xíʼin Ndióxi̱, káʼvina tu̱ʼunra, ndákanixi̱nína xa̱ʼaña ta káʼa̱nna xíʼinra.
Nda̱a̱ ndáaka ña̱ kúni̱na keʼéna, siʼnaka ña̱ káʼa̱n Jehová ndákanixi̱nína xa̱ʼa ta nándukúna xa̱ʼaña nu̱ú Biblia.

**¿NDÁAÑA KÉʼÍI̱ TÁ KÚNI̱I̱ KEʼÍI̱ IIN ÑA̱ʼA?**
SIʼNA kéʼíi̱ ña̱ kúni̱ miíi̱.	SIʼNA káʼi̱n xíʼin Jehová ná chindeéra yi̱ʼi̱ ta káʼvii̱ tu̱ʼunra.
TÁNDI̱ʼI káʼi̱n xíʼin Jehová ná chindeéra yi̱ʼi̱ xíʼin ña̱ kéʼíi̱.	TÁNDI̱ʼI ndákanixi̱níi̱ ndáa ki̱ʼva keʼíi̱ ña̱ va̱xi nu̱ú Biblia.