¿Ndáaña keʼéyó ña̱ va̱ʼaní comentario taxiyó?

Tá va̱ʼaní comentario táxiyó chíndeéyó na̱ congregación (Ro 14:19). Ña̱ comentario chíndeétuña miína táxiña (Pr 15:23, 28). Ña̱kán chíka̱a̱níyó ndeé ña̱ ndákuiinyó ni iinlá yichi̱ tá xíyo iin iin reunión. Ná ndakaʼányó su̱ví ndiʼi yichi̱ taxina comentario ndaʼa̱yó, ña̱kán ná chika̱a̱yó ndeé ña̱ ku̱a̱ʼá comentario keʼéyó.

¿Nda̱saa íyo iin comentario ña̱ va̱ʼaní?

• Va̱ása yo̱ʼvi̱ña ta káxiní íyoña. Ki̱ʼva o̱ko̱ u̱xu̱ segundo taxiyóña á loʼokava.

• Va̱ʼaníka tá tu̱ʼun miíyó káʼa̱nyó.

• Va̱ása ka̱ʼa̱nyó comentario ña̱ xa̱a̱ ni̱ka̱ʼa̱n inkana.

¿Ndáaña keʼéyó tá siʼna miíyó táxina comentario ndaʼa̱?

• Loʼo ná ka̱ʼa̱nyó ta mií ña̱ ndáka̱tu̱ʼunnayó ná ka̱ʼa̱nyó.

¿Ndáaña keʼéyó tá xa̱a̱ nda̱kuiinna pregunta?

• Ná ka̱ʼa̱nyó iin texto ña̱ kítáʼan xíʼin ña̱ káʼviyó.

• Ná ka̱ʼa̱nyó nda̱saa chíndeéña miíyó.

• Ná ka̱ʼa̱nyó ndáa ki̱ʼva keʼéyóña.

• Ná ka̱ʼa̱nyó iin experiencia loʼo ña̱ kítáʼan xíʼinña.