¿Nda̱saa kuniñúʼuyó ña̱ folleto Kuniso̱ʼo ña̱ káʼa̱n Ndióxi̱?

Ña̱ folleto Kuniso̱ʼo ña̱ káʼa̱n Ndióxi̱ ku̱a̱ʼání na̱ʼná va̱xi nu̱úña ña̱ kivi kuniñúʼuyó ña̱ sanáʼa̱yó na̱ kǒo xíni̱ kaʼvi letra. Tá iin iin lección va̱xiña nu̱ú u̱vi̱ página ta nda̱kani va̱ʼa xi̱nína xa̱ʼa na̱ʼná ña̱ va̱xi nu̱úña.

Ña̱ folleto Kuniso̱ʼo ña̱ káʼa̱n Ndióxi̱ ta kutiakuún ndisaá tíempo ku̱a̱ʼáka letra va̱xi nu̱úña, soo iin kúú na̱ʼná ña̱ va̱xi nu̱ú ña̱yóʼo xíʼin folleto Kuniso̱ʼo ña̱ káʼa̱n Ndióxi̱. Ta na̱ yiví na̱ xíni̱ kaʼvi kúú na̱ kivi kuniñúʼu folleto ña̱ ku̱a̱ʼáka letra va̱xi nu̱ú. Ta ña̱yóʼo kúútu ña̱ xíniñúʼu na̱ publicador ta na̱ káʼvina xíʼin xíniñúʼu ña̱ folleto Kuniso̱ʼo ña̱ káʼa̱n Ndióxi̱. Sava página kúúmiíña recuadro ña̱ kivi kuniñúʼuna xíʼin na̱ káʼvina xíʼin.

Nda̱a̱ ndáaka ki̱vi̱ va̱ʼa taxiún folleto yóʼo ndaʼa̱ na̱ yiví. Tá káʼviún xíʼinna kuniñúʼu na̱ʼná yóʼo ña̱ va̱ʼa natúʼún xíʼinna xa̱ʼa ña̱ káʼa̱n Biblia. Keʼé pregunta xíʼinna ña̱ va̱ʼa kuniún á ndixa kúnda̱a̱-inina xíʼinña. Nu̱ú ndíʼi iin iin página va̱xi texto kaʼviña xíʼinna ta natúʼun xa̱ʼaña xíʼinna. Tá ná ndiʼi kaʼvindó folleto yóʼo, kaʼvindó libro ña̱ naní ¿Ndáaña kúú míí ña̱ ndixa sánáʼa̱ Biblia? Ña̱ va̱ʼa ná xa̱a̱ na̱ kaʼvindó xíʼin ndakuchina.