Chindeé na̱ veʼún ña̱ ná ndakaʼánna xa̱ʼa Jehová

Ta̱ Jeremías ni̱ka̱ʼa̱nra xíʼin na̱ judío ña̱ ndiʼi-xa̱ʼana xa̱ʼa ña̱ sa̱ndákoona Jehová (Jer 13:25). ¿Nda̱chun kúú ña̱ sa̱ndákoo na̱ ñuu yóʼo Jehová? Na̱ ñuu Israel kǒo níxindaana miína ña̱ kutáʼan va̱ʼana xíʼin Jehová. Na̱ xa̱a̱ ni̱xi̱yo se̱ʼe kǒo níxindiku̱nna ña̱ ni̱ka̱ʼa̱n Jehová xíʼinna ña̱ va̱xi nu̱ú Deuteronomio 6:5-7.

Tiempo vitin, na̱ familia na̱ ndakú íyo ini xíʼin Ndióxi̱ va̱ʼaní chíndeéna congregación ña̱ koo ndakúña. Na̱ íyo se̱ʼe kivi chindeé táʼanna xíʼin se̱ʼena ña̱ ndakaʼánna xa̱ʼa Jehová tá íyo iin programa ti̱xin veʼena ña̱ kaʼvi ni̱ʼina xíʼinna (Sl 22:27). Tá ná ndiʼi kunindó video video Estas palabras tienen que estar en tu corazón: Entrevistas a familias, ndakuiinndó pregunta ña̱ va̱xi yóʼo:

• ¿Ndáaña kéʼé sava na̱ familia ña̱ va̱ʼa káʼvina xíʼin na̱ veʼena?

• ¿Ndáaña va̱ʼa ndákiʼinna xa̱ʼa ña̱ kúúmiína iin programa ña̱ káʼvi ni̱ʼina xíʼin na̱ veʼena?

• ¿Ndáa tu̱ndóʼo kúú ña̱ va̱xi nu̱úi̱ xíʼin na̱ veʼi̱ xa̱ʼa ña̱ ndásakáʼnundi̱ Jehová, ta ndáaña ndákanixi̱níi̱ keʼíi̱?