¿Nda̱chun chíndayáʼviníún ña̱ ndasakáʼnún Ndióxi̱?

Visión ña̱ xi̱ni ta̱ Ezequiel chi̱ndeé táʼanníña xíʼin na̱ ñuu Israel ña̱ ka̱ndíxana ña̱ ndixa kúúña ndikó tukuna ndasakáʼnuna Jehová. Tiempo ña̱ ndóoyó íyo na̱ yiví na̱ ndásakáʼnu Jehová táki̱ʼva kúni̱ miíra, ta ku̱a̱ʼání na̱ yiví na̱ ndóo iníísaá ñuyǐví ku̱a̱ʼa̱n ndákutáʼan xíʼinna (Isa 2:2). ¿Á xa̱a̱ ndákanixi̱níún xa̱ʼa ña̱ va̱ʼaní ke̱ún ña̱ xíni̱ún xa̱ʼa Jehová ta ndásakáʼnúnra?

¿NDÁA ÑA̱ VA̱ʼA NDÁKIʼINYÓ XA̱ʼA ÑA̱ NDÁSAKÁʼNUYÓ JEHOVÁ?

• 

  Va̱ʼaníka kúnda̱a̱-iniyó xíʼin tu̱ʼun Ndióxi̱ ta ku̱a̱ʼání ña̱ʼa kúnda̱a̱-iniyó xíʼin ta ku̱a̱ʼání consejo ndákiʼinyó nu̱úña ta ndátuyó ni̱ʼíyó ña̱ va̱ʼa chí nu̱únínu (Isa 48:17, 18; 65:13; Ro 15:4).

• Iníísaá ñuyǐví ndóo na̱ káʼvi tu̱ʼun Ndióxi̱ ta ndiʼiyó kúni̱yó xíni táʼanyó (Sl 133:1; Jn 13:35).

• Kúsi̱íní-iniyó ña̱ káʼnuní chiñu ta̱xi Ndióxi̱ ndaʼa̱yó ña̱ natúʼunyó xa̱ʼara (Hch 20:35; 1Co 3:9).

• Va̱ʼaní chíndeé Ndióxi̱ miíyó tá yáʼayó nu̱ú tu̱ndóʼo (Flp 4:6, 7).

• Kúnda̱a̱-iniyó ña̱ xa̱a̱ na̱ndosó Ndióxi̱ xa̱ʼa ña̱ ke̱ʼéyó (2Ti 1:3).

• Va̱ʼaní kítáʼanyó xíʼin Jehová (Sl 25:14).

¿Ndáa ki̱ʼva náʼi̱ ña̱ chíndayáʼviní ña̱ ndásakáʼnui̱ Ndióxi̱?