ÑA̱ KÁʼA̱N BIBLIA XA̱ʼA | MATEO 18, 19
Ná kǒo ndakava-iniyó ta ná kǒo sandákavayó-ini inkana xíʼin ña̱ kéʼéyó
Ta̱ Jesús xi̱niñúʼura ku̱a̱ʼá ña̱ʼa ña̱ sánáʼa̱ra ña̱ va̱ása va̱ʼa taxiyó ña̱ ndakava-iniyó á ndakava-ini inkana xíʼin ña̱ kéʼéyó.
Ña̱ tu̱ʼun “sandákavayó ini inkana” kúni̱ kachiña ña̱ kéʼéyó chíndaʼáña inkana ña̱ keʼéna ña̱ va̱ása va̱ʼa, nda̱a̱ tá ndóʼo na̱ ndákava saá ndóʼo na̱yóʼo, tasaá kíʼvina ku̱a̱chi.
Va̱ʼaka kúúña katúnyó iin yu̱u̱ ña̱ molino su̱kúnyó ta sakánayó miíyó ini mar nu̱úka ña̱ sandákavayó-ini inkana xíʼin ña̱ kéʼéyó.
Yu̱u̱ ña̱ molino
Ta̱ Jesús ni̱ka̱ʼa̱nra ña̱ va̱ʼaka ná tavána ndaʼa̱na á nduchúnu̱úna tá ña̱yóʼo kúú ña̱ sándákava-inina.
Va̱ʼaka kúúña ná ndiʼi-xa̱ʼa iin táʼvi ku̱ñuyó tasaá ki̱ʼviyó ti̱xin Reino Ndióxi̱, nu̱úka ña̱ va̱ása kuni̱yó sandiʼi-xa̱ʼayóña ta ku̱ʼu̱nyó ndiʼi-xa̱ʼayó Gehena, nu̱ú va̱ása ndatakukayó.
¿Ndáa ña̱ʼa kúú ña̱ kéʼé inkana ña̱ kivi sandákava-inii̱, ta ndáaña va̱ása xíniñúʼu keʼíi̱ ña̱ va̱ʼa ná kǒo ndakava-ini inkana?