Ndakaʼánndó xa̱ʼa ñá síʼí ta̱ Lot

¿Nda̱chun ndi̱kó ñá síʼí ta̱ Lot xi̱toñá chí sa̱ta tá ke̱ena ñuu Sodoma? Va̱ása káʼa̱n ña̱ Biblia nda̱chun ndi̱kóñá xi̱toñá (Gé 19:17, 26). Soo táxiña kúnda̱a̱-iniyó ña̱ sana ndi̱kó-iniñá xa̱ʼa ña̱ʼa ña̱ sa̱ndákooñá (Lu 17:31, 32). ¿Ndáaña xíniñúʼu keʼéyó ña̱ kutáʼan va̱ʼayó xíʼin Ndióxi̱, ta kǒo kundoʼoyó táʼan ña̱ ndo̱ʼo ñá síʼí ta̱ Lot? Kǒo taxiyó ña̱ ku̱i̱ká kundayáʼviña nu̱úyó (Mt 6:33). Ta̱ Jesús sa̱náʼa̱ra ña̱ va̱ása kivi kachíñuyó nu̱ú Ndióxi̱ ta kachíñuyó ña̱ koo ña̱ ku̱i̱káyó (Mt 6:24). Tásaá, ¿ndáaña xíniñúʼu keʼéyó tá ki̱xaʼá xítoyó ña̱ ndíʼi̱ka-iniyó xa̱ʼa ña̱ ku̱i̱ká nu̱úka chiñu Ndióxi̱? Ná ka̱ʼa̱nyó xíʼin Jehová, ña̱ ná chindeé táʼanra xíʼinyó ndáaña xíniñúʼu keʼéyó ta ná taxira ña̱ ndakú koo iniyó ña̱ va̱ʼa keʼéyóña.

ÑA̱ XI̱TOYÓ U̱NI̱ SAÁ VIDEO NDAKAʼÁNNDÓ XA̱ʼA ÑÁ SÍʼÍ TA̱ LOT, NDAKUIINNDÓ PREGUNTA YÓʼO:

• 

  ¿Ndáa ki̱ʼva ki̱xaʼá ñá Gloria ndákanixi̱níñá, káʼa̱nñá xíʼin ña̱ kéʼéñá xa̱ʼa ña̱ ni̱ka̱ʼa̱nna xíʼinñá ña̱ koo ku̱a̱ʼá xu̱ʼúnñá?

• ¿Ndáaña sakuaʼayó xíʼin ña̱ ndo̱ʼo ñá síʼí ta̱ Lot?

• ¿Nda̱saa chi̱ndeé táʼan consejo ña̱ va̱xi nu̱ú Biblia xíʼin ta̱ Joe xíʼin na̱ veʼera?

• Na̱ xi̱kachíñu xíʼin ñá Ana, ¿á chindeé táʼanna xíʼinñá ña̱ va̱ʼa kutáʼanñá xíʼin Jehová?

• ¿Nda̱chun xíniñúʼu ndakú koo iniyó, ña̱ kǒo kutóoyó koo ku̱a̱ʼá xu̱ʼúnyó?

• ¿Ndáaña ke̱ʼé ta̱ Brian xíʼin ñá Gloria ña̱ ki̱xaʼá káchíñu tukuna nu̱ú Ndióxi̱?

• ¿Ndáa consejo ña̱ va̱xi nu̱ú Biblia káʼa̱n video yóʼo xa̱ʼa?