Ná kuniñúʼuyó video ña̱ sanáʼa̱yó na̱ káʼviyó xíʼin

Ña̱ʼa ña̱ xítoyó kamaní kúnda̱a̱-iniyó xíʼinña ta kamaní ndákaʼányó xa̱ʼa̱ ña̱ sánáʼa̱na miíyó xíʼinña. Jehová ta̱ va̱ʼaní sánáʼa̱ miíyó, va̱ʼaní xíniñúʼura ña̱ʼa ña̱ xítoyó ña̱ sanáʼa̱ra miíyó xíʼinña (Gé 15:5; Jer 18:1-6). Saátu xi̱niñúʼu ta̱ Jesús ña̱yóʼo ña̱ sa̱náʼa̱ra na̱ yiví (Mt 18:2-6; 22:19-21). Tiempo vitin iin ña̱ va̱ʼaní chíndeétáʼan xíʼinyó kúú sava video ña̱ kée íxaa na̱ ñuu Ndióxi̱. ¿Á xíniñúʼuyó video ña̱ va̱ʼa sanáʼa̱yó na̱ kaʼviyó xíʼin?

Xa̱a̱ kúúmiíyó 10 video ña̱ kivi chindeétáʼan xíʼinyó ña̱ va̱ʼa kuniñúʼuyó xíʼin ña̱ folleto Ndióxi̱ káʼa̱nra tu̱ʼun va̱ʼa xíʼinyó nu̱ú na̱ yiví. Sava yichi̱, ki̱vi̱ ña̱ video yóʼo kunaníña táki̱ʼva íyo pregunta ña̱ va̱xi nu̱ú folleto yóʼo. Ña̱ folleto kúúmiíyó nu̱ú sitio ña̱ Internet, nu̱ú ña̱yóʼo va̱xi ama ta ndáa video kuchiñu na̱ʼa̱yó nu̱ú na̱ káʼviyó xíʼin. Saátu íyo savaka video ña̱ kivi chindeétáʼan xíʼinyó ña̱ va̱ʼaní kuniñúʼuyó xíʼin tutu ña̱ xíniñúʼuyó ña̱ sánáʼa̱yó na̱ yiví.

¿Á íxayo̱ʼvi̱ña xíʼin na̱ káʼviún xíʼin ña̱ kunda̱a̱-inina xíʼin ña̱ káʼvina á kúúmiína iin tu̱ndóʼo ta kǒo xíni̱na ndáaña keʼéna? Nandukú iin video ña̱ kivi chindeétáʼan xíʼinna nu̱ú jw.org® á nu̱ú ña̱ JW Broadcasting®. Kuchiñu inkáchi kotondóña, tá xa̱a̱ ndi̱ʼi xi̱tondóña kivi ka̱ʼa̱nndó xa̱ʼa̱ña.

Ndiʼi yo̱o̱ kána ku̱a̱ʼáníka video ña̱ xa̱á. Tá ná kotonde̱ʼúnña, ndakanixi̱ní nda̱saa kuniñúʼúnña ña̱ va̱ʼa sanáʼún inkana.