¿Ndáaña xíniñúʼu keʼéyó ña̱ va̱ʼa ku̱ʼu̱nyó Conmemoración?

Ku̱i̱ya̱ yóʼo ku̱a̱ʼáka tiempo koo nu̱úyó ña̱ va̱ʼa koo tu̱ʼvayó tá ná kixaa̱ ña̱ Conmemoración ña̱ ndakaʼányó xa̱ʼa̱ ña̱ ni̱xi̱ʼi̱ ta̱ Cristo. Tá ná koo ña̱ Conmemoración ti̱xin ña̱ semana yóʼo, va̱ása kooka ña̱ reunión Ña̱ Kéʼé na̱ Ndásakáʼnu Ndióxi̱, tá ná kooña nu̱ú ndíʼi ña̱ semana, va̱ása kooka ña̱ discurso ta ni va̱ása kaʼvikana Tutu Ña̱ Nátúʼun xíʼinyó. ¿Ndáaña xíniñúʼu keʼéyó ña̱ viíní kuniñúʼuyó tiempo yóʼo? Tiempo vitin, nda̱a̱ táki̱ʼva xi̱keʼéna tá siglo nu̱ú, xíniñúʼu koo tu̱ʼvayó tá kúma̱níka kixaa̱ ki̱vi̱ ña̱ ndáyáʼviní yóʼo (Lu 22:7-13; km-S 3/15 1). Soo miíyó xíniñúʼu ixanduviyó xi̱níyó xíʼin níma̱yó. ¿Ndáa ki̱ʼva keʼéyóña?

• Ndakanixi̱níyó nda̱chun kúú ña̱ ndáyáʼviní ña̱ ku̱ʼu̱nyó (1Co 11:23-26).

• Ka̱ʼa̱nyó xíʼin Jehová ta saátu kotoyó ndáa ki̱ʼva íyo ña̱ kítáʼanyó xíʼinra (1Co 11:27-29; 2Co 13:5).

• Kaʼviyó ña̱ káʼa̱n xa̱ʼa̱ ña̱ Conmemoración ta ndakanixi̱níyó xa̱ʼa̱ña (Jn 3:16; 15:13).

Sava na̱ publicador káʼvina ña̱ va̱xi nu̱ú Biblia ña̱ káʼa̱n xa̱ʼa̱ Conmemoración ña̱ va̱xi nu̱ú ña̱ folleto Examinando las Escrituras diariamente ta ndákanixi̱nína xa̱ʼa̱ ña̱yóʼo. Savana káʼvina texto ña̱ va̱xi nu̱ú recuadro ña̱ va̱xi chí ni̱nu̱ yóʼo. Ta savatuna káʼvina ña̱ va̱xi nu̱ú Tutu Ña̱ Nátúʼun xíʼinyó ña̱ káʼa̱n xa̱ʼa̱ ña̱ Conmemoración ta saátu ña̱ ni̱kuʼvi̱ní-ini Jehová xíʼin ta̱ Jesús xi̱nira miíyó. Nda̱a̱ ndáaka tutu ña̱ ná nandukún kaʼviún xa̱ʼa̱ ña̱yóʼo kivi sakúyatinña yóʼó nu̱ú Jehová xíʼin nu̱ú se̱ʼera.