Jehová kúʼvi̱-inira xínira na̱ yiví limpio

Ku̱a̱ʼání na̱ íyo se̱ʼe sánáʼa̱na na̱ va̱lí se̱ʼena ña̱ va̱ʼa ndakatana ndaʼa̱na, ña̱ limpio koo cuarto nu̱ú kísi̱na, xíʼin ña̱ tavána mi̱ʼí veʼe nu̱ú ndóona chi kúni̱ na̱ yivána ña̱ va̱ʼa limpio ná koona. Soo ta̱ siʼna kúni̱ ña̱ limpio kooyó kúú Ndióxi̱yó, chi ta̱yóʼo ta̱ santo kúúra (Éx 30:18-20; Dt 23:14; 2Co 7:1). Ndásakáʼnuyó Jehová, tá limpio íyoyó ta saátu ña̱ʼa ña̱ kúúmiíyó (1Pe 1:14-16). ¿Ndáa ki̱ʼva íyo nu̱ú ndóoyó? Sava na̱ yiví xátana mi̱ʼí carretera nu̱ú ku̱a̱ʼa̱nna á inka lugar nu̱ú ku̱a̱ʼa̱n si̱ína, soo miíyó na̱ ndásakáʼnu Ndióxi̱ chíka̱a̱yó ndee̱ ña̱ kǒo keʼéyó ña̱yóʼo chi chíka̱a̱yó ndee̱ ña̱ va̱ʼa limpio koo ñuʼú nu̱ú ndóoyó (Sl 115:16; Ap 11:18). Miíyó kíʼinyó kuenta nda̱a̱ xíʼin mi̱ʼí ña̱ válíníka tá kúú mi̱ʼí tí vi̱xi̱ tí xáxiyó, saátu nu̱ú ñúʼu távi̱xi̱ xíʼiyó á inkaka mi̱ʼí, saáchi xíʼin ña̱ kéʼéyó kúni̱yó na̱ʼa̱yó ña̱ kúúyó na̱ ndásakáʼnu Ndióxi̱ (2Co 6:3, 4).

TÁNDI̱ʼI XI̱TONDÓ VIDEO NDIÓXI̱ KÚʼVI̱-INIRA XÍNIRA NA̱ YIVÍ LIMPIO, NDAKUIINNDÓ PREGUNTA YÓʼO:

• ¿Ndáaña káʼa̱n sava na̱ yiví xa̱ʼa̱ ña̱ va̱ása limpio íyo ña̱ʼa ña̱ kúúmiína?

• ¿Ndáa ki̱ʼva chíndeétáʼan Ley ta̱ Moisés xíʼinyó ña̱ va̱ʼa kunda̱a̱-iniyó ndáaña ndákanixi̱ní Jehová xa̱ʼa̱ ña̱ limpio kooyó?

• ¿Ndáa ki̱ʼva ndasakáʼnuyó Jehová xíʼin ña̱ kéʼéyó?