Xa̱a̱ yatin ndiʼi-xa̱ʼa̱ ñuyǐví ta̱ Ndi̱va̱ʼa xa̱ʼa̱ ña̱kán ndakú ná koo iniyó

¿NDA̱CHUN XÍNIÑÚʼU KEʼÉYÓÑA? Saáchi kúma̱ní si̱lóʼo tiempo ta ya̱ʼayó nu̱ú iin tu̱ndóʼo ña̱ ndeéní ña̱ nda̱a̱ ni iin yichi̱ ta̱ʼán ya̱ʼayó nu̱ú, ta tiempo saá xíniñúʼuníka kandíxayó Jehová. Tá ná kixa̱a̱ ña̱ gran tribulación, siʼna ndiʼi na̱ veʼe-ñu̱ʼu vatá ndiʼi-xa̱ʼa̱ (Mt 24:21; Ap 17:16, 17). Tá ná kixa̱a̱ ña̱ tiempo yo̱ʼvi̱ní yóʼo, sana ña̱ natúʼunyó xíʼin na̱ yiví ndeéní kooña (Ap 16:21). Gog ña̱ Magog, kixáʼana ixandi̱va̱ʼana xíʼinyó (Eze 38:10-12, 14-16). Ta saá kúú ña̱ kixáʼa guerra “Ndióxi̱ ta̱ kúúmií ndiʼi ndee̱” (Ap 16:14, 16). Tá kúni̱yó ndakú koo iniyó tá ná kixa̱a̱ ña̱ ki̱vi̱ yóʼo, tiempo vitin kúú ña̱ xíniñúʼu ndakú koo iniyó nu̱ú prueba ña̱ kúúmiíyó.

¿NDÁA KI̱ʼVA KEʼÉYÓÑA?

• Xíʼin ña̱ ndakú iniyó ná keʼéyó ña̱ kúni̱ mií Jehová (Is 5:20).

• Inkáchi ná kitáʼanyó xíʼin na̱ hermanoyó ña̱ va̱ʼa ndasakáʼnuyó Jehová (Heb 10:24, 25).

• Ndi̱ku̱n kama ná kuniso̱ʼoyó ndiʼi ña̱ káʼa̱n na̱ ñuu Jehová xíʼinyó (Heb 13:17).

• Ná ndakanixi̱níyó ndáa ki̱ʼva sa̱kǎku Jehová na̱ ñuura tiempo xi̱naʼá (2Pe 2:9).

• Ná ka̱ʼa̱nyó xíʼin Jehová ndiʼi tiempo ta ná kandíxayóra xíʼin ndiʼi níma̱yó (Sl 112:7, 8).

TÁNDI̱ʼI XI̱TONDÓ VIDEO XÍNIÑÚʼU SAKUAʼAYÓ NDAKÚ KOO INIYÓ XÍʼIN ÑA̱ VA̱XI CHÍ NU̱ÚNÍNU (IIN TÁʼVÍ LOʼO), NDAKUIINNDÓ PREGUNTA YÓʼO:

• 

  Tá na̱samana sava na̱ hermano ña̱ ku̱ʼu̱nna inka congregación, ¿ndáa prueba ki̱xi̱ nu̱úna xa̱ʼa̱ ña̱yóʼo?

• 

  ¿Ndáa ki̱ʼva kítáʼan ña̱ ndakú koo iniyó xíʼin ña̱ va̱ʼaní kuniso̱ʼoyó?

• 

  ¿Nda̱chun xíniñúʼu ndakúní koo iniyó tá ná kixa̱a̱ ña̱ Armagedón?

• 

  ¿Ndáa relato ña̱ va̱xi nu̱ú Biblia kúú ña̱ kivi chindeétáʼan xíʼinyó ña̱ va̱ʼaní kandíxayó Jehová ña̱ miíra sáka̱ku miíyó? (2Cr 20:1-24).