Na̱ vitá-ini sánáʼa̱na ta táxina chiñu ndaʼa̱ inkana

18:17, 18, 21, 22, 24, 25

Na̱ hermano na̱ xa̱a̱ xu̱xa-ini xíʼin tu̱ʼun Ndióxi̱ chíka̱a̱na ndee̱ ña̱ sanáʼa̱na na̱ hermano na̱ válíka nu̱úna, ta xíʼin ña̱yóʼo náʼa̱na ña̱ vitá inina, saátu náʼa̱na ña̱ kúʼvi̱-inina xínina na̱yóʼo, ta kúnda̱a̱-inina ña̱ ya̱chi̱ka xíniñúʼu sanáʼa̱na na̱yóʼo ña̱ va̱ʼaní chindeétáʼanna xíʼinna. Ta ¿ndáa ki̱ʼva chíndeétáʼanna xíʼinna ña̱ keʼéna ku̱a̱ʼáka chiñu?

• Ndáka̱xinna na̱ hermano na̱ viíní kéʼé chiñu, ña̱ taxikana chiñu ndaʼa̱ na̱yóʼo.

• Káxiní káʼa̱nna xíʼin na̱ hermano yóʼo ndáa ki̱ʼva xíniñúʼu keʼéna chiñu ña̱ ta̱xina ndaʼa̱na.

• Sava yichi̱ ki̱vi̱ íyo chiñu ti̱xin congregación táxina xu̱ʼún ndaʼa̱ na̱yóʼo ña̱ va̱ʼa keʼéna chiñu, xíʼin inkaka ña̱ xíniñúʼuna ña̱ viíní keʼéna chiñu ña̱ táxina ndaʼa̱na.

• Ta kíʼinnína kuenta xíʼin na̱yóʼo, ta káʼa̱nna xíʼinna ña̱ va̱ʼaní kéʼéna chiñu.

NDAKANIXI̱NÍ XA̱ʼA̱ ÑA̱YÓʼO: “¿Ndáa chiñu kúú ña̱ va̱ʼa taxii̱ ndaʼa̱ inkana?”.