Ná kiʼinníyó kuenta ña̱ va̱ása ka̱ʼa̱nyó xíʼin na̱ yiví xa̱ʼa̱ ña̱ su̱ví kúú ña̱ nda̱a̱

Kamaní xáa̱ noticia nu̱ú na̱ yiví tiempo vitin, saáchi xa̱ʼa̱ ña̱ íyo radio, á televisión á Internet kúúña. Miíyó na̱ ndásakáʼnu Ndióxi̱ ta̱ nda̱a̱, va̱ása kúni̱yó ka̱ʼa̱nyó xa̱ʼa̱ ña̱ vatá (Sl 31:5; Éx 23:1). Ña̱ ka̱ʼa̱nyó ña̱ vatá, kivi saxóʼvi̱ña inka na̱ yiví. Ña̱ va̱ʼa kunda̱a̱-iniyó á ndixa ña̱ nda̱a̱ kúúña, xíniñúʼu nda̱ka̱tu̱ʼun xíʼin miíyó:

• ¿Á kándixayó na̱ yiví na̱ ni̱ka̱ʼa̱n xíʼinyó xa̱ʼa̱ ña̱yóʼo? Na̱ ni̱ka̱ʼa̱n xíʼinyó sana va̱ása kúnda̱a̱ káxi inina xa̱ʼa̱ ndiʼi ña̱yóʼo. Xa̱ʼa̱ ña̱kán ná kiʼinníyó kuenta xíʼin ña̱ káʼa̱nna xíʼinyó, saáchi tiempo vitin ku̱a̱ʼání na̱ yiví násamana ña̱ káʼa̱nna xa̱ʼa̱, ta va̱ása káʼa̱nna xíʼinyó nda̱a̱ táki̱ʼva íyo ña̱ xi̱niso̱ʼona. Na̱ kíʼin kuenta xíʼin congregación, xíniñúʼu kiʼinnína kuenta xíʼin ña̱ káʼa̱nna, ta va̱ása ka̱ʼa̱nna xa̱ʼa̱ iin ña̱ʼa tá va̱ása kúnda̱a̱ káxi inina xa̱ʼa̱ña.

• ¿Á sákukaʼanyó nu̱úna xa̱ʼa̱ ña̱ ka̱ʼa̱nyó xa̱ʼa̱na? Tá saá íyoña, va̱ʼaka va̱ása ka̱ʼa̱nyó xa̱ʼa̱ña (Pr 18:8; Flp 4:8).

• ¿Á ña̱ ndixa kúúña? Kuenta koún saáchi sava na̱ yiví chínúukana ña̱ káʼa̱nna tá nátúʼunna xa̱ʼa̱ iin ña̱ʼa.

TÁNDI̱ʼI XI̱TONDÓ VIDEO KǑO KA̱ʼÚN ÑA̱ VA̱ÁSA VA̱ʼA XA̱ʼA̱ INKANA, NDAKUIINNDÓ PREGUNTA YÓʼO:

• 

  Nda̱a̱ táki̱ʼva káʼa̱n Proverbios 12:18, tu̱ʼun ña̱ káʼa̱nyó, ¿ndáa ki̱ʼva sáxo̱ʼvi̱ ña̱yóʼo níma̱ inkana?

• 

  ¿Ndáa ki̱ʼva chíndeétáʼan ña̱ va̱xi nu̱ú Filipenses 2:4 xíʼinyó ña̱ ndakanixi̱níyó ña̱ ka̱ʼa̱nyó xa̱ʼa̱ iin na̱ yiví?

• 

  ¿Ndáa ña̱ xíniñúʼu keʼéyó tá ki̱xáʼa iin na̱ yiví káʼa̱nna iin ña̱ vatá á iin ña̱ va̱ása va̱ʼa xa̱ʼa̱ iin na̱ yiví xíʼinyó?

• 

  Tá kúma̱níka kixáʼayó ka̱ʼa̱nyó xa̱ʼa̱ iin na̱ yiví, ¿ndáa ña̱ xíniñúʼu ndakanixi̱níyó xa̱ʼa̱?