Kundaandó ña̱ ti̱ndaʼa̱ndó

Nu̱ú Jehová ndáyáʼviní ña̱ ná saxínu na̱ ti̱ndaʼa̱ tu̱ʼun ña̱ ni̱ka̱ʼa̱nna xíʼin táʼanna tá ti̱ndaʼa̱na, ta ndiʼi tiempo kúni̱ra ña̱ ná koo xíʼin táʼanna (Mt 19:5, 6). Ti̱xin ñuu Ndióxi̱ íyo ku̱a̱ʼání na̱ xa̱a̱ tindaʼa̱ ta si̱íní ndóona. Soo ni saá íyova tu̱ndóʼo nu̱úna chi na̱ yiví ku̱a̱chi kúúna. Ná kǒo ndakanixi̱níyó ña̱ ndakooyó na̱ ti̱ndaʼa̱ xíʼinyó saá kúú ña̱ va̱ʼaníka ta kǒoka ku̱a̱chi koo nu̱úyó. ¿Miíyó na̱ ndásakáʼnu Ndióxi̱ nda̱saa keʼéyó ña̱ va̱ʼa kundaayó ña̱ ti̱ndaʼa̱yó?

Ná kotoyó u̱ʼu̱n consejo ña̱ kivi chindeétáʼan xíʼinyó.

1. Ná kundaayó ña̱ ndákanixi̱níyó ta va̱ása na̱ʼa̱yó ña̱ kútóoyó inkana tá su̱ví na̱ ti̱ndaʼa̱ xíʼinyó kúúna. Ta saátu va̱ása kotonde̱ʼéyó nu̱ú kée na̱ kísi̱ xíʼin táʼan, chi ña̱yóʼo kúú ña̱ ixaa xíka miíyó nu̱ú na̱ ti̱ndaʼa̱ xíʼinyó (Mt 5:28; 2Pe 2:14).

2. Ná ndakundeéyó viíka kutáʼanyó xíʼin Jehová ta chika̱a̱yó ndee̱ ña̱ viíka kutáʼanyó xíʼin na̱ ti̱ndaʼa̱ xíʼinyó nda̱a̱ táki̱ʼva kúni̱ Ndióxi̱ (Sl 97:10).

3. Ná sandákooyó ndiʼi ña̱ va̱ása va̱ʼa xi̱keʼéyó tá ya̱chi̱, ta ná chika̱a̱yó ndee̱ ña̱ viíka kutáʼanyó xíʼin na̱ ti̱ndaʼa̱ xíʼinyó ta ndukúyó ndáa ki̱ʼva ixaa si̱íyó-ini na̱ ti̱ndaʼa̱ xíʼinyó (Col 3:8-10, 12-14).

4. Ná va̱ása ndakooyó ña̱ ka̱ʼa̱nyó xíʼin táʼanyó ta to̱ʼó ná koo tu̱ʼun ña̱ ka̱ʼa̱nyó xíʼin táʼanyó (Col 4:6).

5. Ná na̱ʼa̱yó ña̱ kúʼvi̱-iniyó xínitáʼanyó tá kísi̱ xíʼin táʼanyó (1Co 7:3, 4; 10:24).

Tá íxato̱ʼóyó na̱ ti̱ndaʼa̱ xíʼinyó, saá náʼa̱yó ña̱ íxato̱ʼóyó Jehová, ta̱ chi̱ndúʼú xa̱ʼa̱ ña̱ tíndaʼa̱ na̱ yiví.

TÁNDI̱ʼI XI̱TONDÓ VIDEO ÑA̱ NANÍ XÍNIÑÚʼU NDAKÚ KOO INIYÓ: NÁ KUNDIKU̱NYÓ ÑA̱ KÁʼA̱N NDIÓXI̱ XÍʼINYÓ, NDAKUIINNDÓ PREGUNTA YÓʼO:

• 

  Ni si̱íní íyo na̱ sa̱kán ti̱ndaʼa̱ soo, ¿ndáa tu̱ndóʼo kivi kixi nu̱úna?

• 

  ¿Ndáa ki̱ʼva chindeétáʼan consejo ña̱ va̱xi nu̱ú Biblia xíʼin na̱ ti̱ndaʼa̱ tá va̱ása si̱í íyona xíʼin táʼanna?

• 

  ¿Ndáaña káʼa̱n Jehová xíʼin na̱ xa̱a̱ ti̱ndaʼa̱?

• ¿Ndáa ña̱ xíniñúʼu keʼé ta̱ xa̱a̱ ti̱ndaʼa̱ á ñá xa̱a̱ ti̱ndaʼa̱ ña̱ va̱ʼa si̱í koona xíʼin táʼanna?