Ndaka̱xin ña̱ kachíñún nu̱ú Jehová

¿Á xa̱a̱ publicador kúún ta ta̱ʼán ndakuchiún? ¿Á sa̱kán kíxáʼún káʼviún tu̱ʼun Ndióxi̱? ¿Á xa̱a̱ ndákanixi̱níún ña̱ ndakuchiún? Ta, ¿nda̱chun xíniñúʼu keʼúnña? Saáchi tá xáa̱yó ndátaxi xíʼin miíyó ndaʼa̱ Jehová ta ndákuchiyó, saá kúú ña̱ xáa̱yó kítáʼan va̱ʼayó xíʼinra tasaá kúú ña̱ kivi ka̱kuyó (Sl 91:1; 1Pe 3:21). ¿Ndáaña xíniñúʼu keʼéyó ña̱ va̱ʼa xa̱a̱yó ndataxi xíʼin miíyó ndaʼa̱ Jehová ta ndakuchiyó?

Kandíxa ña̱ ndiʼi ña̱ sánáʼa̱ Ndióxi̱ kúú mií ña̱ nda̱a̱. Ta tá xíka iniún xíʼin sava ña̱ʼa, nandukú xa̱ʼa̱ña (Ro 12:2). Kivi chika̱ún ndee̱ ña̱ nasa̱maún tá kúma̱níka keʼún ña̱yóʼo ña̱ va̱ʼa sakúsi̱íún ini Jehová (Pr 27:11; Ef 4:23, 24). Ka̱ʼa̱n xíʼin Jehová ña̱ ná chindeétáʼanra xíʼún, ta va̱ása kaka-iniún chi taxivara espíritu santora ña̱ chindeétáʼanña xíʼún (1Pe 5:10, 11). Chi ña̱ kachíñuyó nu̱ú Jehová kúú mií ña̱ va̱ʼaníka (Sl 16:11).

TÁNDI̱ʼI XI̱TONDÓ VIDEO ÑA̱ NANÍ ÑA̱ CHINDEÉTÁʼAN XÍʼINYÓ ÑA̱ VA̱ʼA XA̱A̱YÓ NDAKUCHIYÓ, NDAKUIINNDÓ PREGUNTA YÓʼO:

• ¿Ndáa tu̱ndóʼo kúú ña̱ yáʼa savana nu̱ú ña̱ va̱ʼa xa̱a̱na ndakuchina?

• ¿Ndáaña xíniñúʼu keʼún ña̱ va̱ʼa kandíxakaún Jehová ta xa̱ún ndataxiún miíún ndaʼa̱ra?

• ¿Ndáaña chíndeétáʼan xíʼin savana ña̱ va̱ʼa xa̱a̱na ndakuchina?

• ¿Ndáa ki̱ʼva táxi Jehová bendición ndaʼa̱ na̱ káchíñu nu̱úra?

• ¿Ndáaña kúú ña̱ ndataxina miína ndaʼa̱ Ndióxi̱ ta ndáaña kúú ña̱ ndakuchina?