¿Nda̱chun va̱ása xíniñúʼu ka̱ʼa̱n kúáchiníyó?

Saáchi va̱ása kútóo Ndióxi̱ ña̱yóʼo (Nú 11:1; w01 15/6 17 párr. 20).

Saáchi iinlá xa̱ʼa̱ mií kuitíyó ndi̱ʼi-iniyó ta va̱ása taxikayó tíxa̱ʼvi ndaʼa̱ Ndióxi̱ xa̱ʼa̱ ña̱ kéʼéra xa̱ʼa̱yó (Nú 11:4-6; w19.02 17 párr. 12, 13).

Saáchi kivi sandákavayó-ini inkana (Nú 11:10-15; it-2 855 párr. 2).

Yo̱ʼvi̱ní ni̱xi̱yoña nu̱ú na̱ ñuu Israel tá xi̱ndoona nu̱ú ñuʼú yi̱chí. Soo ni̱xi̱yoníva ña̱ taxina tíxa̱ʼvi xa̱ʼa̱. Ña̱ ndakanixi̱níyó xa̱ʼa̱ bendición ña̱ táxi Jehová ndaʼa̱yó chindeétáʼanña xíʼinyó ña̱ va̱ása ka̱ʼa̱n kúáchiníyó.