Tá sánáʼa̱yó ná kuniñúʼuyó ejemplo

Tá ndándikóyó nu̱ú na̱ yiví na̱ na̱túʼunyó xíʼin, á tá káʼviyó xíʼin iin na̱ yiví, xíniñúʼu chindeétáʼanyó xíʼinna ña̱ kunda̱a̱-inina xa̱ʼa̱ mií ña̱ ndáyáʼvi va̱ʼaka. Ta tá viíní xíniñúʼuyó ejemplo saá kúú ña̱ kivi xa̱a̱yó nda̱a̱ níma̱na tasaá ndakaʼánna xa̱ʼa̱ ña̱ sákuaʼana.

Tá xa̱a̱ káʼvi kúeeyó ña̱ va̱ʼa ku̱ʼu̱nyó kotoyó na̱ na̱túʼunyó xíʼin xa̱ʼa̱ Ndióxi̱ á na̱ káʼviyó xíʼin, viíní ná ndaka̱xinyó ña̱ kuniñúʼuyó xíʼinna ta mií ña̱ ndáyáʼvi va̱ʼa ná kooña ta ná va̱ása natúʼunyó xa̱ʼa̱ ña̱ va̱ása ndáyáʼvi xíʼinna, saátu viíní ná ndaka̱xinyó ejemplo ña̱ kuniñúʼuyó xíʼinna (Mt 5:14-16; Mr 2:21; Lu 14:7-11). Ta xíniñúʼu kiʼinyó kuenta xa̱ʼa̱ ña̱ xa̱a̱ xíni̱ na̱ yiví ta saátu xa̱ʼa̱ ña̱ ndóʼona (Lu 5:2-11; Jn 4:7-15). Ta kusi̱íní-iniyó tá ná kuniyó ña̱ na̱ yiví kán va̱ʼaní ku̱ndaa̱-inina xíʼin ña̱ sa̱náʼa̱yóna.

TÁNDI̱ʼI XI̱TONDÓ VIDEO ÑA̱ NANÍ KÚSI̱ÍNÍ-INIYÓ TÁ NÁTÚʼUNYÓ XÍʼIN NA̱ YIVÍ. VIÍKA NÁ SANÁʼA̱YÓ: TÁ SÁNÁʼA̱YÓ NÁ KUNIÑÚʼUYÓ EJEMPLO, NDAKUIINNDÓ PREGUNTA YÓʼO:

• 

  ¿Nda̱chun sava na̱ sánáʼa̱yó xíniñúʼu chindeétáʼanyó xíʼinna ña̱ kunda̱a̱-inina xíʼin sava texto?

• 

  ¿Ndáa ejemplo xi̱niñúʼu ñá Rita ña̱ va̱ʼa ka̱ʼa̱nñá xa̱ʼa̱ Romanos 5:12?

• 

  Tá viíní ná ndaka̱xinyó ejemplo ña̱ kuniñúʼuyó, ¿ndáa ki̱ʼva chindeétáʼan ña̱yóʼo xíʼin na̱ yiví?

• ¿Nda̱chun xíniñúʼu kuniñúʼuyó video xíʼin inkaka ña̱ tává na̱ ñuu Ndióxi̱ ña̱ va̱ʼa sanáʼa̱yó na̱ yiví?