Xa̱ʼa̱ ña̱ kúʼvi̱-ini Jehová xínira miíyó kúú ña̱ táxira consejo ndaʼa̱yó

Ña̱ consejo kítáʼanña xíʼin ña̱ sánáʼa̱na miíyó ta saátu kítáʼanña xíʼin castigo. Ta Jehová xíniñúʼura ña̱yóʼo ña̱ va̱ʼa chindeétáʼanra xíʼinyó ña̱ ndasakáʼnuyóra nda̱a̱ táki̱ʼva kúni̱ miíra (Ro 12:1; Heb 12:10, 11). Sava yichi̱ íxayo̱ʼvi̱ña xíʼinyó ndakiʼinyó consejo, soo tá viíní ndákiʼinyó ña̱yóʼo saá na̱ʼa̱yó ña̱ nda̱kúní íyo iniyó xíʼin Ndióxi̱ ta ta̱kán taxira ku̱a̱ʼá bendición ndaʼa̱yó (Pr 10:7). Na̱ táxi consejo xíʼin na̱ ndákiʼinña, ¿ndáaña xíniñúʼu kiʼinna kuenta xíʼin?

Na̱ táxi consejo. Na̱ anciano xíʼin na̱ íyo se̱ʼe ta saátu inkakana, chíka̱a̱nína ndee̱ ña̱ viíní taxina consejo nda̱a̱ táki̱ʼva kéʼé Jehová (Jer 46:28). Ta ni iin consejo ña̱ yo̱ʼvi̱ní kúúña, xíniñúʼu kiʼinna kuenta xíʼin na̱ yiví na̱ táxinaña ndaʼa̱ ta xa̱ʼa̱ ña̱ kúʼvi̱ní-inina xínina na̱ yiví kán viíní ná taxina ña̱ consejo yóʼo (Tit 1:13).

Na̱ ndákiʼin consejo. Nda̱a̱ ndáaka consejo táxina ndaʼa̱yó, viíní ná ndakiʼinyóña ta kamaní ná keʼéyó ña̱ ni̱ka̱ʼa̱nna xíʼinyó (Pr 3:11, 12). Chi xa̱ʼa̱ ña̱ kúúyó na̱ yiví ku̱a̱chi ndiʼivayó xíniñúʼu consejo. Ta sava consejo yóʼo kivi ndani̱ʼíyóña nu̱ú Biblia ta kivitu kuniso̱ʼoyóña ti̱xin reunión, á savatu yichi̱ na̱ comité judicial kúú na̱ táxi ña̱ consejo yóʼo ndaʼa̱yó. Tá ndákiʼinyó ña̱ consejo yóʼo ta ndi̱ku̱n kama násamayó ña̱ va̱ása va̱ʼa kéʼéyó saá kivi xa̱a̱yó ni̱ʼíyó ña̱ kutakuyó ndiʼi tiempo (Pr 10:17).

TÁNDI̱ʼI XI̱TONDÓ VIDEO ÑA̱ NANÍ JEHOVÁ TÁXIRA CONSEJO NDAʼA̱ NA̱ KÚʼVI̱-INIRA XÍNIRA, NDAKUIINNDÓ PREGUNTA YÓʼO:

• 

  ¿Ndáaña xi̱keʼé ta̱ Canon tá ni̱xi̱yo loʼora ta ndáaña ku̱u tá ni̱ya̱ʼa tiempo?

• 

  ¿Ndáa ki̱ʼva ta̱xi Jehová consejo ndaʼa̱ra?

• 

  ¿Ndáaña sákuaʼayó xíʼin ña̱ ndo̱ʼo ta̱ Canon?