Xíʼin ña̱ si̱í-ini sanáʼún

Tá si̱í íyo iniyó ña̱ nátúʼunyó xa̱ʼa̱ Ndióxi̱ xíʼin na̱ yiví, na̱yóʼo kuni̱kana sákuaʼana. Tá kúsi̱í-iniyó náʼa̱yó ña̱ ndáyáʼvi tu̱ʼun Ndióxi̱ nu̱úyó. Ni nda̱a̱ ndáaka ñuu íyoyó á nda̱a̱ ndáaka costumbre kúúmiíyó ndiʼiyó kivi kusi̱í-iniyó tá nátúʼunyó xa̱ʼa̱ Ndióxi̱ (Ro 12:11). ¿Ndáa ki̱ʼva xa̱a̱yó kusi̱í-iniyó?

Ña̱ nu̱ú, ná ndakanixi̱níyó ña̱ ndáyáʼviní ña̱ nátúʼunyó xíʼin na̱ yiví. Ta iin ña̱ va̱ʼaní kúú ña̱ ta̱xi Ndióxi̱ chiñu yóʼo ndaʼa̱yó ña̱ natúʼunyó xa̱ʼa̱ra (Ro 10:15). Ña̱ u̱vi̱, ná ndakanixi̱níyó ndáa ki̱ʼva chíndeétáʼanña xíʼin na̱ yiví (Ro 10:13, 14). Ña̱ so̱ndíʼi, xíʼin ndiʼi níma̱yó ná ka̱ʼa̱nyó xíʼin na̱ yiví ta ná na̱ʼa̱yó xíʼin nu̱úyó ta saátu xíʼin ña̱ kánda̱ ndaʼa̱yó ña̱ xíʼin ndinuʼu-iniyó káʼa̱nyó xíʼinna.

TÁNDI̱ʼI XI̱TONDÓ VIDEO ÑA̱ NANÍ KÚSI̱ÍNÍ-INIYÓ TÁ NÁTÚʼUNYÓ XÍʼIN NA̱ YIVÍ. VIÍKA NÁ SANÁʼA̱YÓ: XÍʼIN ÑA̱ SI̱Í-INI NÁ SANÁʼA̱YÓ, NDAKUIINNDÓ PREGUNTA YÓʼO:

• 

  ¿Nda̱chun va̱ása níxi̱kusi̱íka-ini ñá Rita tá xi̱kaʼviñá xíʼin ñá Coral?

• 

  ¿Ndáaña chi̱ndeétáʼan xíʼin ñá Rita ña̱ kusi̱í tuku iniñá?

• 

  ¿Nda̱chun ndáyáʼviní kotoyó ña̱ va̱ʼa ña̱ kéʼé na̱ yiví na̱ nátúʼunyó xíʼin?

• Ña̱ si̱í íyo iniyó, ¿ndáa ki̱ʼva chindeétáʼan ña̱yóʼo xíʼin na̱ káʼviyó xíʼin ta saátu xíʼin inkaka na̱ yiví?