Ná kuʼvi̱-iniyó kuniyó na̱ veʼeyó

Ña̱ kuʼvi̱-iniyó kuniyó na̱ veʼeyó kúú ña̱ chindeétáʼan xíʼinyó ña̱ viíní kutáʼanyó, chi tá va̱ása kúʼvi̱-iniyó xínitáʼanyó ixayo̱ʼvi̱níña xíʼinyó ña̱ viíní kutáʼanyó. Ta̱a ta̱ íyo ñá síʼi ta saátu ñaʼá ñá íyo yií xíʼin na̱ íyo se̱ʼe, ¿ndáa ki̱ʼva na̱ʼa̱ na̱yóʼo ña̱ kúʼvi̱ní-inina xínitáʼanna?

Iin ta̱a ta̱ kúʼvi̱ní-ini xíni ñá síʼi, kíʼinra kuenta ndáaña xíniñúʼu ñá síʼira, ndáaña ndákanixi̱níñá, ta saátu ndáaña ndóʼoñá (Ef 5:28, 29). Ta̱yóʼo táxira ndiʼi ña̱ xíniñúʼu na̱ veʼera ta chíndeétáʼanra xíʼinna ña̱ sákuaʼana xa̱ʼa̱ ndióxi̱ (1Ti 5:8). Ta saátu iin ñaʼá ñá kúʼvi̱ní-ini xíni yií ndíku̱nñá ña̱ káʼa̱n yiíñá ta náʼa̱ñá ña̱ íxato̱ʼóníñára (Ef 5:22, 33; 1Pe 3:1-6). Ta u̱vi̱ saá na̱yóʼo xíniñúʼu ixakáʼnu-inina xa̱ʼa̱ táʼanna (Ef 4:32). Na̱ íyo se̱ʼe ndáana iin tá iin se̱ʼena ta sánáʼa̱nana ña̱ kuʼvi̱-inina kunina Jehová (Dt 6:6, 7; Ef 6:4). ¿Ndáaña íxayo̱ʼvi̱ xíʼin na̱ va̱lí se̱ʼendó ti̱xin escuela nu̱ú káʼvina? ¿Ndáa ki̱ʼva kéʼéna ña̱ va̱ʼa kúndeé-inina nu̱ú ña̱ʼa ña̱ va̱ása va̱ʼa kéʼé na̱ va̱lí xíʼinna? Ña̱ kuʼvi̱ní-iniyó kunitáʼanyó kúú ña̱ chindeétáʼan xíʼinyó ña̱ ya̱ʼayó nu̱ú nda̱a̱ ndáaka tu̱ndóʼo.

TÁNDI̱ʼI XI̱TONDÓ VIDEO ÑA̱ NANÍ NÁ NA̱ʼA̱YÓ TI̱XIN VEʼEYÓ ÑA̱ KÚʼVI̱-INIYÓ XÍNITÁʼANYÓ, NDAKUIINNDÓ PREGUNTA YÓʼO:

• 

  Tá kúʼvi̱ní-ini iin ta̱a xínira ñá síʼira, ¿ndáa ki̱ʼva ndáarañá?

• 

  Iin ñaʼá ñá kuʼvi̱ní-ini xíni yií, ¿ndáa ki̱ʼva náʼa̱ñá ña̱ ixato̱ʼóñára?

• 

  ¿Ndáaña xíniñúʼu keʼé na̱ íyo se̱ʼe ña̱ va̱ʼa chika̱a̱kana ndee̱ ña̱ sanáʼa̱na se̱ʼena xa̱ʼa̱ Ndióxi̱?