Na̱ʼa̱ ña̱ kúnda̱a̱-iniún xíʼin ña̱ ndóʼona

Náʼa̱yó ña̱ kúnda̱a̱-iniyó xíʼin ña̱ ndóʼo inkana tá kíʼinyó kuenta xíʼin ña̱ ndákanixi̱nína, xíʼin ña̱ ndóʼona, ndáaña ndáyáʼvi nu̱úna ta saátu ndáaña xíniñúʼuna. Na̱ yiví kiʼinna kuenta ña̱ ndixa kúnda̱a̱-iniyó xíʼin ña̱ ndóʼona tá náʼa̱yó ña̱yóʼo xíʼin ndiʼi níma̱yó. Tá náʼa̱yó ña̱ kúnda̱a̱-iniyó xíʼin ña̱ ndóʼo na̱ nátúʼunyó xíʼin xa̱ʼa̱ Ndióxi̱, saá kúú ña̱ kéʼéyó nda̱a̱ táki̱ʼva kéʼé Jehová chi ta̱yóʼo kúʼvi̱-inira xínira na̱ yiví, ta tá saá kéʼéyó xíʼinna saá kúú ña̱ kuni̱kana sákuaʼana xa̱ʼa̱ra (Flp 2:4).

Su̱ví tá sánáʼa̱ kuitíyó na̱ yiví kúú ña̱ xíniñúʼu na̱ʼa̱yó ña̱ kúnda̱a̱-iniyó xíʼin ña̱ ndóʼona. Chi saátu xíniñúʼu na̱ʼa̱yóña tá xíniso̱ʼoyó ña̱ káʼa̱nna, tá káʼa̱nyó xíʼinna, ta saátu xíʼin ki̱ʼva ña̱ kéʼéyó xíʼinna á ña̱ xítoyó nu̱úna. Ta kivi na̱ʼa̱yóña tá ndíʼi̱-iniyó xa̱ʼa̱ na̱ yiví, tá kíʼinyó kuenta xíʼin ña̱ kútóona, ña̱ kándíxana xíʼin ña̱ ndóʼona. Saátu tá táxiyó consejo ndaʼa̱na ta chíndeétáʼanyó xíʼinna, soo va̱ása íxandúxayó xíʼinna ña̱ ná nasamana ki̱ʼva ña̱ kéʼéna. Ta tá táxi na̱ yiví ña̱ ná chindeétáʼanyó xíʼinna, saá kúú ña̱ kúsi̱íníka-iniyó.

TÁNDI̱ʼI XI̱TONDÓ VIDEO ÑA̱ NANÍ KÚSI̱ÍNÍ-INIYÓ TÁ NÁTÚʼUNYÓ XÍʼIN NA̱ YIVÍ. VIÍKA NÁ SANÁʼA̱YÓ: NÁ NA̱ʼA̱YÓ ÑA̱ KÚNDA̱A̱-INIYÓ XÍʼIN ÑA̱ NDÓʼONA, NDAKUIINNDÓ PREGUNTA YÓʼO:

• 

  ¿Ndáa ki̱ʼva ni̱na̱ʼa̱ ñá Rita ña̱ kúnda̱a̱-iniñá xíʼin ña̱ ndóʼo ñá Coral tá va̱ása ya̱chi̱ níxa̱a̱ñá?

• 

  ¿Ndáa ki̱ʼva ni̱na̱ʼa̱ ñá Rita ña̱ kúnda̱a̱-iniñá xíʼin ña̱ ndóʼo ñá Coral tá ni̱ka̱ʼa̱nñá ña̱ ku̱naaníñá?

• 

  ¿Ndáa ki̱ʼva ni̱na̱ʼa̱ ñá Rita ña̱ kúnda̱a̱-iniñá xíʼin ña̱ ndóʼo ñá Coral tá ni̱ka̱ʼa̱nñá ña̱ íxayo̱ʼvi̱ña xíʼinñá vií keʼéñá chiñu?