Consejo ña̱ chindeétáʼan xíʼin na̱ tává grupo

Reunión ña̱ xíyo tá kúma̱ní ku̱ʼu̱nyó natúʼunyó xíʼin na̱ yiví iin regalo Jehová kúú ña̱yóʼo, ña̱ va̱ʼa chindeétáʼanra xíʼinyó ña̱ na̱ʼa̱yó ña̱ kúʼvi̱-iniyó xíniyó inkana ta keʼéyó ña̱ʼa va̱ʼa xa̱ʼa̱na (Heb 10:24, 25). U̱ʼu̱n á u̱xa̱ minuto xíniñúʼu keʼéna reunión yóʼo, ta ti̱xin minuto yóʼo xíniñúʼu ndataʼvína na̱ grupo, ka̱ʼa̱nna xíʼinna ndáa territorio ku̱ʼu̱nna ta keʼéna oración. Loʼokava minuto xíniñúʼu koo reunión yóʼo tá xíyoña tá sa̱kán ndi̱ʼi̱ inkaka reunión. Na̱ tavá grupo xíniñúʼu nandukúna iin ña̱ chindeétáʼan xíʼin na̱ hermano. Tá kúú ki̱vi̱ sábado, saá kúú ña̱ kée ku̱a̱ʼání na̱ hermano na̱ va̱ása kée ma̱ʼñú semana, ña̱kán na̱ tává grupo kivi sandákaʼán kuitína na̱ hermano ndáaña ka̱ʼa̱nna xíʼin na̱ yiví. ¿Ndáa inkaka ña̱ kivi ka̱ʼa̱nna xíʼinna?

• Ka̱ʼa̱nna xa̱ʼa̱ ña̱ káʼa̱n ndáa ki̱ʼva natúʼunyó xíʼin na̱ yiví ña̱ va̱xi nu̱ú tutu Ña̱ Kéʼé na̱ Ndásakáʼnu Ndióxi̱ tutu nu̱ú va̱xi ña̱ keʼéyó reunión.

• Ka̱ʼa̱nna xíʼinna ndáa ki̱ʼva kuniñúʼuna iin ña̱ sa̱kán ku̱u ña̱ va̱ʼa kixáʼana natúʼunna xíʼin na̱ yiví.

• Ka̱ʼa̱nna xíʼinna ndáa ki̱ʼva ndakuiinna yuʼú na̱ yiví na̱ kǒo xíín kuniso̱ʼo.

• Ka̱ʼa̱nna xíʼinna ndáa ki̱ʼva ndakuiinna yuʼú iin na̱ va̱ása kándíxa Ndióxi̱, na̱ kándíxa ña̱ evolución, na̱ káʼa̱n inka tu̱ʼun á na̱ kúúmií inka religión.

• Ka̱ʼa̱nna xíʼinna ndáa ki̱ʼva kuniñúʼuna sitio jw.org, aplicación JW Library^® á Biblia.

• Ka̱ʼa̱nna xíʼinna ndáa ki̱ʼva kuniñúʼuna nu̱ú va̱xi tutu ña̱ xíniñúʼuyó.

• Ka̱ʼa̱nna xíʼinna ndáa ki̱ʼva natúʼunna xíʼin na̱ yiví xíʼin teléfono, xíʼin carta, nu̱ú xíka ku̱a̱ʼá na̱ yiví á ndáa ki̱ʼva keʼéna revisita á kixáʼana kaʼvina xíʼin iin na̱ yiví.

• Sandákaʼánnana xa̱ʼa̱ ña̱ kundaana miína, ña̱ nasamana ki̱ʼva ña̱ nátúʼunna xíʼin na̱ yiví, ña̱ ixato̱ʼónana, ña̱ va̱ása ndakava-inina á inkakaña.

• Na̱ʼa̱na iin video á iin lección ña̱ va̱xi nu̱ú tutu ña̱ naní Sákuaʼaka ña̱ vií kaʼviún ta sanáʼún.

• Ka̱ʼa̱nna xíʼinna ndáa ki̱ʼva chindeétáʼanna xíʼin na̱ hermano na̱ ke̱e xíʼinna.

• Ka̱ʼa̱nna xa̱ʼa̱ iin texto ña̱ káʼa̱n xa̱ʼa̱ ña̱ nátúʼunyó xíʼin na̱ yiví xa̱ʼa̱ Ndióxi̱, á iin experiencia ña̱ kivi chika̱a̱ ndee̱ xíʼinna.